Անսպասելի հետազոտություն. գեր մարդիկ ավելի մեծ շատ զուգընկեր են ունենում, քան նիհարները

Գեր մարդիկ սեռական կյանքում սովորաբար ավելի շատ զուգընկեր են ունենում, քան նորմալ քաշ ունեցողները, իսկ նիհարները՝ նույնիսկ ավելի քիչ։ Նման անսպասելի եզրակացության են հանգել Կալիֆորնիայի համալսարանի գիտնականները։

Նրանց հետազոտությանը մասնակցել է ավելի քան 60 000 հետերոսեքսուալ մարդ, միջինը՝ 37 տարեկան։ Պարզվել է, որ այդ տարիքին հասած եւ տղամարդիկ, եւ կանայք սեռական ակտիվության իրենց ամբողջ ժամանակահատվածում միջինը 8 զուգընկեր են ունեցած լինում։

Բայց հետաքրքիր է, որ ավելորդ քաշ ունեցող տղամարդիկ (բնականաբար խոսքը   խիստ ճարպակալման մասին չէ, որը մարդուն խանգարում է շարժվել) ավելի շատ զուգընկերուհի են ունեցած լինում, քան նորմալ քաշ ունեցողները։ Իսկ վերջիններս ավելի շատ զուգընկերուհի են ունեցած լինում, քան նիհար տղամարդիկ, չնայած նիհարությունն իբր սեռական գրավչության նշան է համարվում։

Ինչպես ցույց է տվել հետազոտությունը, նույնը կարելի է ասել նաեւ կանանց մասին։ Քաշի պակաս ունեցող կանայք նկատելիորեն ավելի քիչ զուգընկեր են ունեցած լինում, քան նորմալ կամ նույնիսկ՝ հավելյալ քաշ ունեցողները։ Հավանաբար դա կապված է նրա հետ, որ նիհար կանայք հաճախ տառապում են անորեքսիայից եւ սեփական մարմնի ընկալման հետ կապված այլ խնդիրներից, եւ դա խանգարում է նրանց սեռական կյանքին։ Բացի այդ, քաշի պակասը կապված է բարձր մահացության եւ տարբեր տեսակի հիվանդությունների հետ, ինչը եւս կարող է ազդել սեռական կյանքի վրա։

Այդ հետազոտության մասին հայտնել է New Media and Society ամսագիրը։

Հետևեք NEWS.am Medicine-ին Facebook-ում և Twitter-ում