• Latest news

Ուզում եք հղիանա՞լ. ուրեմն զբաղվեք սեքսով ամբողջ ամսվա ընթացքում

7 հոկտեմբերի, 2015  21:30

Եթե ուզում եք հղիանալ՝ սեքսով պետք է զբաղվեք ոչ թե կնոջ բեղուն ժամանակաշրջանում, այլ ամբողջ ամսվա ընթացքում: Այս մասին հայտնում են ԱՄՆ Ինդիանայի համալսարանի հետազոտողները:

Գիտնականների խոսքով սեռական հարաբերությունները իմունային համակարգում առաջացնում են փոփոխություններ, որոնք կնոջ մարմինը պատրաստում են հղիության: Եթե զույգը հնարավորինս հաճախ է զբաղվում սեքսով, կնոջ մարմինը զգալիորեն ավելի քիչ է «մերժում» սպերմատազոիդներին կամ արդեն ձեւավորված սաղմը, քանի որ դրանց չի ընկալում որպես «կողմնակի զավթիչների»: Իսկ եթե զույգը սեքսով է զբաղվում միայն կնոջ բեղուն ժամանակաշրջանում, ապա հղիության հավանականությունը զգալիորեն նվազում է:

Սա հաստատել է նաեւ մի փոքր հետազոտություն, որն անցկացրել են գիտնականները՝ օգտագործելով 30 կնոջ դաշտանային ցիկլերի մասին տեղեկությունները: Այդ կանանց մի կեսն ակտիվ սեռական կյանքով էր ապրում, իսկ մյուս կեսը առհասարակ սեքսով չէր զբաղվում: Առաջին խմբի կանանց համար զգալիորեն ավելի հեշտ էր հղիանալը:

«Բեղունության պատուհան է» համարվում ձվազատմանը եւ դաշտանին նախորդող 5 օրերը: Համարվում է, որ հենց այդ օրերին է հղիանալու ամենամեծ հավանականությունը: Սակայն եթե ցիկլի հենց սկզբից զույգն ապրի ակտիվ սեռական կյանքով՝ ապա ձվազատման պահին կնոջ մարմինն ավելի լավ պատրաստված կլինի հաջող բեղմնավորման:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է