• Latest news

Վազքն ու մարմնամարզությունը կարող են թեթեւացնել հղիության ընթացքը

9 հոկտեմբերի, 2015  23:46

Վազքն ու ֆիզիկական ծանրաբեռնվածությունը թեթեւացնում են հղիության ընթացքը ու կանխում կոնքերի ցավերը, որոնք տարածված են հղիների շրջանում: Այս մասին հայտնում է British Journal of Sports Medicine ամսագրում հրատարակված հոդվածը:

Սակայն ցանկալի արդյունքի հասնելու համար անհրաժեշտ է դեռ մինչեւ հղիանալը սկսել սպորտով զբաղվել. ինչպես հայտնում են գիտնականները, հղիանալուց առաջ շաբաթական երեքից հինգ անգամ ֆիզիկական ծանրաբեռնվածությունները կօգնեն 14 տոկոսով նվազեցնել կոնքերի ցավերի ինտենսիվությունը հղիության ընթացքում: Ընդ որում ամենից շատ օգտակար են այն վարժությունները, որոնք պահանջում են նկատելի ֆիզիկական ծանրաբեռնվածություններ՝ օրինակ վազքը , գնդակ խաղալն ու մարմնամարզությունը: 

Հղիության վերջին ամիսներին կոնքերի ցավեր է ունենում կանանց 20 տոկոսը: Այդ ցավերի պատճառները շատ են ու տարբեր՝ հոդերի շարժումը կոնքոսկրերում, այդ հոդերին օժանդակող մկանների աշխատանքի փոփոխությունը եւ այլն: Ցավի օջախներ կարող են առաջանալ կոնքի ցանկացած մասում:

Երբեմն ցավերն այնքան ուժեղ են լինում, որ կանայք չեն կարողանում շարժվել ու երկար ժամանակ գամված են մնում անկողնուն: Շատ հաճախ բժիշկները նրանց խորհուրդ են տալիս ֆիզիոթերապիայի սեանսներ անցնել այդ ցավերի դեմ պայքարելու համար, քանի որ ցավազրկողների երկարատեւ ընդունումը կարող է վնասել պտղին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել