• Latest news

Ի՞նչ հաճախությամբ է պետք մազերը շամպունով լվանալ

22 նոյեմբերի, 2015  20:49

Ի՞նչ հաճախությամբ է պետք մազերը շամպունով լվանալ, որպեսզի դրանք առողջ մնան ու լավ տեսք ունենան: Ոմանք ասում են, որ որքան հազվադեպ՝ այդքան լավ, մյուսները հավաստիացնում են, որ պարտադիր ամեն օր: Իրականում, ինչպես գրում է Foxnews.com-ը, մազերը լվանալը մարդու անհատական գործն է, ու դրանք լվանալու հաճախությունը կախված է մազերի տեսակից, Ձեր ակտիվության մակարդակից ու մի շարք այլ գործոններից:

Ինչպե՞ս է ազդում շամպունը ու ինչի՞ համար է այն առհասարակ պետք

Երբ մենք երկար ժամանակ չենք լվանում մազերը, գլխի մաշկի վրա կուտակվում են ճարպ (որը արտադրվում է հենց օրգանիզմի կողմից, որպեսզի պաշտպանի մազերն ու մաշկը) եւ փոշի: Շամպունները պարունակում են լվացող նյութ, գրեթե նույնը, ինչ պարունակում են լոգանքի գելերը ու սպասք լվանալու հեղուկը, որն օգնում է մաշկից ու մազերից մաքրել ճարպի ու փոշու ավելցուկները:

Ձեր մազերի տեսքը հիմնականում պայմանավորված է դրանց տեսակով՝ եթե մազերն ուղիղ են ու բարակ, ճարպը  հեշտությամբ ծածկում է դրանք ամբողջ երկայնքով, ինչի հետեւանքով մազերն արագ կպչուն են դառնում ու կեղտոտ թվում: Խիտ ու խուճուճ մազերը բոլորովին այլ տեսք ունեն, քանի որ ճարպը չի կարողանում դրանք նույնքան արագ ծածկել, որքան ուղիղ մազերը:

Հենց դրա համար էլ ոճաբանները խորհուրդ են տալիս խիտ ու խուճուճ մազերն ավելի հազվադեպ լվանալ, քան բարակ ու ուղիղ մազերը: Ուղիղ մազեր ունեցողներից ոմանց խորհուրդ է տրվում դրանք ամեն օր լվանալ, իսկ ալիքավոր մազեր ունեցողներին՝  մի քանի օրը մեկ : Ամենից հազվադեպ խորհուրդ է տրվում լվանալ խուճուճ մազերը:

Մազերը խորհուրդ են տալիս հաճախ լվանալ նաեւ նրանց, ովքեր շատ են պարապում ու շատ քրտնում, ինչպես նաեւ՝ ճարպոտ մաշկ ունեցողներին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է