• Latest news

Մինչդաշտանային ախտանիշով կանանց շրջանում բարձր է կաթվածների ու ինֆարկտների հավանականությունը

26 նոյեմբերի, 2015  10:35

Մինչդաշտանային ախտանիշը (ՄԴԱ) ոչ միայն  փչացնում է շատ կանանց տրամադրությունն ու կյանքը, այլեւ զգալիորեն բարձրացնում նրանց շրջանում ինֆարկտների ու կաթվածների հավանականությունը, նախազգուշացնում են Massachusetts University համալսարանի հետազոտողները: Պարզվում է, որ ՀԴԱ-ով տառապող կանայք եռակի հաճախ են բախվում բարձր ճնշման խնդրին, որը ինչպես գիտեք, շատ վտանգավոր է առողջության համար:

Վերոնշյալ համալսարանի գիտնականները 20 տարվա ընթացքում հետեւել են 25 տարեկանից բարձր 3500 կանանց առողջության: Նրանցից յուրաքանչյուր երրորդը տառապում էր մինչդաշտանային ախտանիշի այս կամ այն ձեւից: Պարզվում է, որ ՄԴԱ -ով կանայք 40 տոկոսով ավելի հաճախ են բարձր զարկերակային ճնշում ունենում, քան նրանք ում բնորոշ չեն տրամադրության ամենամսյա թռիչքները, անքնությունն ու ՄԴԱ-ի մյուս դրսեւորումները:

Ավելին, շատերի մոտ ճնշման խնդիրները դեռ պատանեկությունից են սկսվում՝ դեռ մինչեւ 40 տարեկանը դառնալը: Գիտնականների խոսքով, բացառված չէ, որ ՄԴԱ ախտանշանների առաջացման համար պատասխանատու են այն նույն հորմոնալ խնդիրները, որոնք բարձրացնում են զարկերակային ճնշումը:

Ինչպես նշեց հետազոտող Էլիզաբեթ Բերթոն Ջոնսոնը, հիպերտոնիան ինֆարկտի, կաթվածի ու կանանց մոտ զանազան երիկամային խնդիրների զարգացման ամենալուրջ ռիսկի գործոններից մեկն է: Դրա համար էլ անհրաժեշտ է նոր ռազմավարություններ մշակել՝ ռիսկի խմբի կանանց հայտնաբերելու ու նրանց շրջանում սքրինինգ իրականացնելու համար: Իմաստ ունի նաեւ պարբերաբար չափել ՄԴԱ ունեցող կանանց ճնշումը:

Այս հետազոտության մասին պատմում է American Journal of Epidemiology ամսագիրը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է