• Latest news

ՄԻԱՎ-ը այլեւս մահացու հիվանդություն չէ

26 նոյեմբերի, 2015  18:30

Բժշկության ու դեղագործության բնագավառի առաջընթացի շնորհիվ ՄԻԱՎ-ը երեսուն տարվա ընթացքում մահացու մտանգավոր հիվանդությունից վեր է ածվել խրոնիկի, որի զարգացումը կարելի է վերահսկել: Հիվանդության այս նույն տեսակին են պատկանում շաքարախտը, հիպերտենզիան ու սրտանոթային այլ հիվանդությունները: Այս մասին պատմում է Discover բլոգը:

Ամերիկյան վիճակագրության վերջին տվյալներով՝ ՄԻԱՎ հիվանդների մահվան միջին տարիքը 1987 թ. համեմատ կտրուկ աճել է: Տղամարդկանց համար այն աճել է 34 տոկոսով. եթե 1987 թ. այն 37.9 էր, ապա 2013թ .՝ 50.8 է եղել: Իսկ կանանց համար առաջընթացն ավելի ցայտուն է՝ 35.2-ից 49.7:

ՄԻԱՎ/ ՁԻԱՀ-ի դեմ պայքարի հարցերով ՄԱԿ-ի ծրագրի նոր հաշվետվության համաձայն՝ 2015թ. դրությամբ աշխարհում մոտավորապես 36.9 մլն ՄԻԱՎ վարակակիր կա, ու նրանց 70 տոկոսը ապրում է Աֆրիկայում՝ Սահարայից հարավ: Վարակվելու նոր դեպքերի թիվը 2000 թ. սկսած կրճատվել է 35 տոկոսով: 2015 թ. հակառետրովիրուսային թերապիա են ստացել 15.8 մլն վարակակիր ( 2014 թ. համեմատ այս ցուցանիշը 2.2 մլն- ով աճել է):

Նման արդյունքների հաջողվել է հասնել բուժումը ժամանակին սկսելու, երկարաժամկետ թերապիայի ու ՄԻԱՎ վարակակիրների որակյալ բուժսպասարկման շնորհիվ: Եվ վերջապես, արդեն 2010- ականներին ակնհայտ է դարձել հակառետրովիրուսային թերապիայի արդյունավետությունը:

Բժիշկները նշում են, որ ՄԻԱՎ վարակակիրների առողջության համար հիմնական սպառնալիքը ոչ թե ՁԻԱՀ-ին առնչվող հիվանդություններն են, այլ հակառետրովիրուսային դեղամիջոցների ու իմունոդեֆիցիտի կողմնակի էֆեկտները՝ կաթվածները, քաղցկեղի որոշակի տեսակներ ու նեւրոլոգիական հիվանդությունները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է