• Latest news

Մահճակալի ո՞ր կեսին է նախընտրելի քնել

27 նոյեմբերի, 2015  11:58

Մարդիկ, որոնք քնում են մահճակալի ձախ կեսին, սովորաբար ավելի ընկերասեր ու երջանիկ են, իսկ նրանք, որոնք աջ կեսին են քնում, ավելի մռայլ ու ջղայն են: Նման եզրակացության են հանգել բրիտանացի հետազոտողները, որոնք 1000 մարդու շրջանում հարցում են անցկացրել նրանց կարիերայի, բարեկեցության ու երջանկության մասին, նաեւ պարզել, թե մահճակալի որ կեսին են նրանք նախընտրում քնել:

Պարզվել է, որ այն մարդիկ, որոնք սովորաբար քնում են մահճակալի ձախ կեսին, 8 տոկոսով ավելի հաճախ լավ ընկերներ ու սիրված աշխատանք ունեն, 4 տոկոսով ավելի հաճախ են արթնանում լավ տրամադրությամբ ու 9.5 տոկոսով ավելի դրական են վերաբերվում կյանքին, քան նրանք, ովքեր աջ կեսին են քնում:

Գիտնականները նաեւ պարզել են, որ մահճակալի աջ կեսին քնել սիրողները 9 տոկոսով ավելի հաճախ են նախընտրում մենակ մնալ, 7 տոկոսով ավելի հաճախ են արթնանում վատ տրամադրությամբ, 5 տոկոսով ավելի հաճախ են վատատես լինում ու 3 տոկոսով ավելի հաճախ չեն սիրում իրենց աշխատանքը: Ընդ որում հարցմանը մասնակցած բրիտանացիների 36 տոկոսը նախընտրում է մենակ քնել: 10 տոկոսն էլ քնում է փոքրիկ երեխաների կամ տնային կենդանու հետ:

Գիտնականների կարծիքով քնի հարցում նախասիրությունները հաճախ են արտահայտվում նաեւ մարդկանց փոխհարաբերություններում: Օրինակ քնելիս  իրարից առավելագույնը 2.5 սմ հեռավորություն պահպանող ամուսինների կամ զուգընկերների 86.5 տոկոսն ավելի ամուր հարաբերություններ ունեն, պարզել են հետազոտողները:

Իսկ վերջերս ուրիշ գիտնականներ պարզել էին, որ մարդկանց 15 տոկոսը, որը նախընտրում է քնել ուղղահայաց ՝ ուղիղ մեջքով եւ այսպես կոչված ոտքերը մեկնած դիրքով, ռացիոնալ, հանգիստ ու անկաշկանդ բնավորություն ունի:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է