Նշվել են այն երկու գործոնները, որոնք ժամանակակից աշխարհում վաղաժամ մահվան են հանգեցնում. դրանք են չափազանց մեծ ավելորդ քաշը եւ նիկոտինային կախվածությունը:
Հետազոտողները վերլուծել են 45-ից 64 տարեկան ավելի քան 3600 մարդու վերաբերյալ տվյալները եւ անմխիթար եզրակացություններ են արել: Այն ընթացքում, երբ կատարվում էր դիտարկումը, փորձարկման մասնակիցների 51 տոկոսը մահացել էր սիրտ-անոթային համակարգի հիվանդություններից, 27 տոկոսը` չարորակ ուռուցքներից: Ընդ որում պարզվել էր, որ վաղաժամ մահվան ռիսկը նկատելիորեն աճում էր, եթե հետազոտության մասնակիցները տառապում էին ավելորդ քաշից եւ այնպիսի վատ սովորություն ունեին, ինչպիսին ծխելն է:
Փորձագետներին հաջողվել է նաեւ պարզել, որ ավելորդ քաշից տառապում են նախ եւ առաջ ցածր եկամուտ ունեցող մարդիկ: Ակնհայտ է, որ նրանք փորձում են քիչ ծախսել սննդի վրա` նախընտրությունը տալով էժան եւ կալորիական մթերքներին:
Միաժամանակ բժիշկները ուշադրություն են դարձնում նրան, որ նիկոտինային կախվածությունն անհամեմատ ավելի վտանգավոր է մարդու առողջության համար, քան ավելորդ քաշը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր