Գերմանիայում բժիշկները ֆենոմենալ երեւույթի են բախվել. 37-ամյա կույր հիվանդը նորից սկսել է տեսնել անձի երկվության շնորհիվ: Անսովոր հիվանդի հետազոտությամբ սկսել են զբաղվել Հանս Ստրասբուրգերը եւ Բրունո Վալդվոգելը, որոնց աշխատանքը հրապարակվել է PsyCh Journal-ում:
Կինը տեսողությունից զրկվել էր տասնյոթ տարի առաջ` 20 տարեկանում, դժբախտ պատահարի հետեւանք հանդիսացող ուղեղի վնասվածքի պատճառով: Նրա մոտ «ուղեղի կեղեւային կուրություն» էին ախտորոշել:
Հետո հիվանդի մոտ եւս մի հիվանդություն էր հայտնաբերվել: Այս անգամ` հոգեկան խանգարում` անձի երկվություն: Ընդ որում, կնոջ գլխում ոչ թե երկու կերպար է ապրում, այլ միանգամից 10-ը: Նրանք բոլորը տարբեր տարիքներ, սեռեր, խառնվածք ունեն: Նրանցից ոմանք խոսում են տարբեր լեզուներով:
Հերիք էր, որ կինն իրեն ուրիշ մարդ զգար, որպեսզի վերականգնվեր նրա տեսողությունը: Ընդ որում դա տեղի է ունեցել հենց այն ժամանակ, երբ նա անչափահաս տղայի կերպարում էր: Ամեն ինչ տեղի էր ունեցել հաշվված վայրկյանների ընթացքում:
Այն բանից հետո, երբ հիվանդով լրջորեն զբաղվել էին հոգեբանները, կարողացել էին հասնել նրան, որ նա սկսել էր տեսնել` լինելով իր մեջ «ապրող» 10 կերպարից ութում: Բժիշկներն այն եզրակացության են հանգել, որ գերմանուհու կուրությունն առաջացել է ոչ թե ֆիզիոլոգիական վնասվածքների հետեւանքով, ինչպես նախկինում էր համարվում, այլ` հոգեկան խանգարման:
Պրոֆեսոր Ստրասբուրգերը պարզաբանել է, որ հուզական ուժեղ ծանրաբեռնվածության պայմաններում հիվանդն ասես ցանկություն է հայտնում չտեսնելու տեղի ունեցողը, դրա համար էլ նրա ուղեղն «անջատում է» տեսողությունը: «Այդ էֆեկտը օրգանիզմի պաշտպանական ռեակցիաներից մեկն է», - հավելել է մասնագետը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր