• Latest news

Մարդկանց հարություն կտան ուղեղի սառեցման միջոցով

28 նոյեմբերի, 2015  22:43

Humai ընկերության մասնագետները մարդկանց հարություն տալու տեխնոլոգիա են մշակում: Ամերիկյան ընկերությունը մտադիր է հարություն տալ մարդկանց` արհեստական ինտելեկտ օգտագործելով: 

Ինչպես գրում է Daily Mail-ը, ֆիրմայի ներկայացուցիչները պատմել են, որ մարդու ուղեղը կսառեցվի, ինչից հետո դրա մեջ հատուկ չիպ կմտցնեն: Հենց որ տեխնոլոգիաները նման հնարավորություն տան, սառած ուղեղը կհանեն կրիոխցիկից եւ կտեղավորեն նոր արհեստական մարմնի մեջ` այդպիսով վերակենդանացնելով մարդկանց: 

Մահից առաջ արհեստական ինտելեկտի միջոցով կուսումնասիրեն «հիվանդին»` նրա խոսակցական ոճը, պահվածքը, մտածողական գործընթացները, սովորույթները: Այս տվյալները կկոդավորվեն չիպում եւ կմտցվեն մեռած մարդու ուղեղին եւ հատուկ արհեստական մարմնին:  

Humai ընկերության հիմնադիր Ջոշ Բոկանեգրան (Josh Bocanegra) Popular Science-ին տված հարցազրույցում պատմել է, որ ընկերությունը մտադիր է հատուկ հավելվածի միջոցով լայնածավալ տվյալներ հավաքել իր  «հիվանդների» մասին մինչեւ նրանց մահը. հավելվածը մշակման փուլում է: 

«Մենք մահից հետո կսառեցնենք մարդու ուղեղը կրիոտեխնոլոգիաների միջոցով: Երբ տեխնոլոգիան ամբողջությամբ մշակված լինի, մենք ուղեղը կպատվաստենք արհեստական մարմնին, հավելել է Բոկանեգրան: Ուղեղի ծերացմանը զուգընթաց մենք բջիջների «նորոգման» եւ բարելավման նանոտեխնոլոգիաներ կօգտագործենք: Կլոնավորման տեխնոլոգիան պետք  է օգնի այդ հարցում»:

Ամերիկացի գիտնականները պնդում են, որ վերոհիշյալ տեխնոլոգիան մարդկությանը մատչելի կլինի  30 տարի անց:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է