• Latest news

Ինչու կանանց չի հաջողվում նիհարել

3 փետրվարի, 2016  20:43

Այն հորմոնները, որոնք պատասխանատու են ախորժակի կարգավորման, ֆիզիկական ակտիվության եւ էներգիայի ծախսի համար, տղամարդու եւ կնոջ օրգանիզմում տարբեր կերպ են աշխատում: Դա հանգեցնում է նրան, որ տղամարդիկ եւ կանայք տարբեր եղանակով են ավելորդ քաշ կորցնում. կանանց համար դա անհամեմատ ավելի դժվար է:    Փաստացիորեն կանացի ուղեղը «ծրագրված» չէ նիհարելու համար, ինչպես պարզել են Աբերդինի համալսարանի հետազոտողները:  

Գիտնականները մկների վրա ուսումնասիրել են, թե գիրացումն ինչպես է տարբերվում երկու սեռի մոտ` կախված ֆիզիկական ակտիվությունից եւ էներգետիկ ծախսերից:  Աշխատանքի ընթացքում գիտնականները կարողացել են ճարպակալմամբ տառապող արուներին վերածել նիհար, առողջ կրծողների, բայց չի հաջողվել նույն բանն անել էգերի դեպքում:   Ինչպես պարզվել է,  պրոօպիոմելանոկորտին (ՊՕՄԿ) անունով բարդ պոլիպեպտիդը, որը կնոջ օրգանիզմում պատասխանատու է ախորժակի կարգավորման, ջերմություն արտադրելու եւ ֆիզիկական ակտիվության խթանման միջոցով էներգիայի ծախսի ավելացման համար, կանացի օրգանիզմում պատասխանատու է միայն ուտելու ցանկության համար եւ մնացորդային «բոնուսներ» չի տալիս, տեղեկացնում է The Telegraph-ը:

«Ներկայումս ոչ մի տարբերություն չկա նրանում, թե ճարպակալումն ինչպես է բուժվում տղամարդկանց եւ կանանց մոտ:  Իսկ մենք պարզել ենք, որ ուղեղի հատվածները, որոնք էական ազդեցություն են ունենում մարդկանց` կալորիաներ ծախսելու եղանակի վրա,   տարբեր կերպ են գործում տղամարդկանց եւ կանանց մոտ: Դա կարող է հեռահար հետեւանքներ ունենալ ճարպակալման դեմ պայքարող դեղամիջոցների արտադրության ոլորտում, որոնք ներկայումս  զգալիորեն անտեսում են հիվանդի սեռը», - նշել է Աբերդինի համալսարանի (Մեծ Բրիտանիա) Սննդի եւ առողջապահության  ինստիտուտի հետազոտության ղեկավար Լորա Հեյլերը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է