Երեխա ծնելը սարսափելի է, բայց ավելի սարսափելի է, երբ արտակարգ կեսարյան հատման ժամանակ բժիշկները չեն կարողանում երեխային գտնել կնոջ փորում: Որքան էլ տարօրինակ հնչի, հենց նման դեպք է պատահել Էմբեր Հյուզին Լեյչեսթերից (Մեծ Բրիտանիա), տեղեկացնում են արեւմտյան ԶԼՄ-ները:
Հղիության 30-րդ շաբաթում Էմբերի մոտ վաղաժամ ծննդաբերություն սկսվեց: Նա 36 ժամ տանջվեց, մինչեւ բժիշկները հասկացան, որ երեխան վարակ ունի եւ անհրաժեշտ է անհապաղ կեսարյան հատում անել:
Վիրահատության ընթացքում Էմբերը հասկացավ, որ ինչ-որ բան սխալ է. բժիշկներն անհանգստանում էին, շփոթված քայլում էին սենյակով, խոսում էին ինչ-որ բանի մասին… Էմբերի փորում երեխա չկար, բայց նրանք չէին կարողանում հասկանալ, թե ինչ է կատարվում, թե երեխան ուր է կորել:
Հանկարծ նրանք մանկան լաց լսեցին եւ երեխային գտան սավանիների մեջ: Պարզվեց, որ մինչ վիրաբույժը կտրատում էր Էմբերի փորը, երեխան ծնվել էր բնական եղանակով եւ ընկել էր սավանների մեջ: Բժիշկն ու մանկաբարձն այդ ամենը չէին նկատել:
«Նրանք երկու րոպե չէին կարողանում գտնել երեխայիս, անեթեթ վիճակ էր: Այժմ փորիս վրա սպի է մնացել, որի անհրաժեշտությունը չկար: Ես ուրախ եմ. Որ երեխան լավ է, բայց մենք երբեք չենք մոռանա այն օրը, երբ բժիշկները կորցրեցին մեր երեխային», - պատմել է Էմբերը:
Երեխային Օլլի են կոչել, նա առողջ է: Իսկ Էմբերը, որն այժմ 4 երեխա ունի, պատասխան է պահանջում կլինիկայից, որտեղ նրան հենց այնպես կտրատել էին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր