• Latest news

Նոր դեղը կերկարացնի կողմնային ամիոտրոֆիկ սկլերոզով հիվանդների կյանքը

5 փետրվարի, 2016  23:49

Նոր դեղը կարող է  գրեթե երկու տարով երկարաձգել կողմնային ամիոտրոֆիկ սկլերոզով   (ԿԱՍ) հիվանդների կյանքը. դա անհամեմատ ավելի շատ է, քան ԿԱՍ-ի բուժման մեջ գործածվող մյուս բոլոր դեղամիջոցների արդյունքը: Այդ մասին տեղեկացրել են Օրեգոնի համալսարանի Գիտական քոլեջի գիտնականները: 

Կողմնային ամիոտրոֆիկ սկլերոզն անբուժելի նյարդադեգեներատիվ հիվանդություն է, որը մկանների կաթվածի եւ ապաճման է հանգեցնում: 

Այս հիվանդության զարգացման գործում կարեւոր դեր է խաղում   SOD1 գենին վերաբերող մուտացիան. դրա ի հայտ գալը հանգեցնում է օրգանիզմում պղնձի նյութափոխանակության խանգարման: ԿԱՍ-ի ախտորոշումից հետո հիվանդի կյանքի առավելագույն տեւողությունը երկուսից հինգ տարի է: Մինչեւ վերջերս արդյունավետ բուժում գոյություն չուներ: 

Իսկ այժմ բժիշկ Ջոզեֆ Բեքմանն ու իր գործընկերներն այդ հիվանդության դեմ այսօրվա դրությամբ ամենաարդյունավետ դեղն են ստեղծել: Երկու տարին այնքան էլ կարճ ժամանակ չէ, եթե հաշվի առնենք, որ այլ դեղամիջոցներ կյանքը երկարաձգում են ընդամենը մեկ ամսով: 

Գիտնականները միացություն են սինթեզել, որն օրգանիզմ մտցնելն օգնում է վերականգնել պղնձի նյութափոխանակությունը եւ այն հասցնել ողնուղեղի վնասված բջիջներին:  Առայժմ դեղամիջոցը փորձարկվել է մկների վրա, բայց հեղինակները հույս ունեն, որ շուտով կկարողանան փորձարկել նաեւ մարդկանց վրա:  

Այդ մասին պատմվում է Neurology ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է