Իսպանիայում առաջին անգամ է գրանցվել Զիկա վիրուսով հղի կնոջ վարակվելու դեպք:
Կինը վերջերս էր վերադարձել Կոլումբիայից, նրա հղիության ժամկետը 11-13 շաբաթ է: Հիմա նա անցնում է բոլոր անհրաժեշտ բուժակարգերը՝ Կատալոնիայի առողջապահության դեպարտամենտի հսկողության ներք, գրում է El Pais թերթը:
Այս ռեգիոնում Զիկա վիրուսով եւս մեկ հիվանդացության դեպքի մասին է հայտնի դարձել: Այսպիսով Կատալոնիայում վերջին մի քանի շաբաթում հիվանդացության վեց դեպք է գրանցվել:
Հիշեցնենք, որ Առողջապահության համաշխարհային կազմակերպությունը փետրվարի մեկին միջազգային մակարդակի արտակարգ դրություն էր հայտարարել՝ Զիկա վիրուսի տարածման կապակցությամբ: Հիվանդությունը հատկապես վտանգավոր է հղի կանանց համար,քանի որ առաջացնում է պտղի ախտահարում՝ միկրոցեֆալիա ( ուղեղի ու գանգի չափերի փոքրացում, որի հետեւանքով հնարավոր է մտավոր հետամնացության զարգացում):
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր