Գիտնականները գրիպի դեմ դեղամիջոց են մշակում, որը «Տամիֆլյուից» տասնապատիկ արդյունավետ կլինի

Վաշինգթոնի համալսարանի գիտնականները հայտնել են այն մասին, որ  գրիպի դեմ նոր հեղափոխական դեղամիջոց են մշակում, որը կապահովի վիրուսի կանխարգելումն ու բուժումը: Դեղամիջոցը ստեղծողներն արդեն հայտնել են, որ այն ավելի արդյունավետ է, քան «Տամիֆլյուն», քանի որ ունակ է պայքարել տարբեր շտամմների դեմ: Գրիպի դեմ գոյություն ունեցող պատվաստանյութերի հիմնական խնդիրն այն է, որ վիրուսն արագ զարգանում է ու մուտացվում, իսկ դա հանգեցնում է նոր շտամմների առաջացմանը:

Գիտնականները, որոնք իրենց դեղամիջոցը փորձարկում են մկների վրա, վստահեցնում են, որ ստեղծել են արդյունավետ դեղամիջոց, որը պայքարում է վիրուսի տարբեր տեսակների դեմ: Նրանք հույս ունեն, որ գրիպի դեմ նոր դեղամիջոցը նույնքան արդյունավետ կազդի նաեւ մարդկանց վրա, եւ թույլ կտա կանխել գրիպի հետագա համաճարակները, պաշտպանել նորածիններին, նաեւ իմունային թույլ համակարգով մարդկանց:

Փորձարկումների ընթացքում կրծողներին վարակել են վիրուսի՝ նրանց համար մահացու չափաբաժնով: Սակայն այն մկները, որոնց դեղ են տվել, հաղթահարել են վիրուսը, նույնիսկ առանց քաշի կորցնելու: Իսկ մյուսները արագ նիհարել էին ու սատկել: Նոր դեղը, որը ստացել է HB36.6 անվանումը, աշխատում է վիրուսի գեմագգլյուտինին ու նեյրամինիդազ սպիտակուցների վրա ազդելու հաշվին:

HB36.6-ն իրեն դրսեւորել է որպես հզոր դեղամիջոց, քանի որ օգնել եւ որպես քթի սփրեյ գործածելու, եւ՛ ամենօրյա մեկական չափաբաժիննների դեպքում, եւ՛ իմունային ցածր պատասխանով մկների, եւ գենետիկորեն ծրագրված իմունոդեֆիցիտով կրծողների բուժման ժամանակ: HB36.6-ի մեկ չափաբաժինն ավելի արդյունավետ է եղել, քան «Տամիֆլյուի» 10 չափաբաժինը:

Հետևեք NEWS.am Medicine-ին Facebook-ում և Twitter-ում