• Latest news

Ուրիշի դիմահարդարման միջոցները չօգտագործելու 3 պատճառ

7 փետրվարի, 2016  22:32

Մտերիմ ընկերուհիները հաճախ են մատիտ, սեւաներկ, դիմափոշի եւ նույնիսկ շրթներկ փոխանակում` չմտածելով այն հետեւանքների մասին, որոնց կարող է հանգեցնել դա: Ինչու ուրիշների դիմահարդարման միջոցների օգտագործումը կարող է ծայրաստիճան վտանգավոր լինել: 

1. Հակաբիոտիկների նկատմամբ կայուն վտանգավոր վարակներ

Դիմահարդարման միջոցներով հնարավոր է վարակվել ամենավտանգավոր, նույնիսկ կյանքին սպառնացող վարակներով: Հենց դա է պատահել ավստրալացի Ջո Գիլհրիստին, որը Վալենտինի օրն օգտագործել էր իր ընկերուհու հարդարման վրձինը, որը մաշկի ստաֆիլակոկային վարակ ուներ: Հակաբիոտիկներով բուժման դեմ կայուն վարակը վրձնի միջոցով ներթափանցել է Ջոյի օրգանիզմ` նրան ընդմիշտ գամելով հաշմանդամի սայլակին եւ զրկելով  իր աղիքները եւ միզափամփուշտը կառավարելու հնարավորությունից: Բժիշկների խոսքով, եթե այդ վարակը նրա ուղեղ ընկներ, նա կմեռներ, իսկ եթե հայտնվեր վերջույթներում, անհրաժեշտ կլիներ դրանք հատել:  

2. Աչքերի վարակներ

Ջոյին պատահածի նման դեպքերը սովորաբար հազվագյուտ են: Բայց շատ հաճախ ուրիշի դիմահարդարում օգտագործող աղջիկները վարակվում են աչքերի վարակով:    Մարդու աչքերը պաշտպանական շերտ չունեն, ինչպիսին ունի մաշկը, այդ պատճառով վարակները հեշտորեն ներթափանցում են աչքի մեջ եւ կարող են հիվանդագին գարեհատի առաջացման պատճառ դառնալ: 

3. Պզուկներ եւ ցան

Երբ ինչ-որ մեկը դիմահարդարման վրձին է օգտագործում, մանրէները մաշկից տեղափոխվում են դրա վրա: Եթե հետո դուք նույն վրձինն եք օգտագործում, դրա վրա առկա մանրէները կանցնեն ձեր մաշկին եւ աչքերին: Լավագույն դեպքում դա կարող է հանգեցնել դեմքի եւ աչքերի շրջանում պզուկների ի հայտ գալու: Վատագույն դեպքում կարող է կրկնվել Ջոյի պատմությունը: Նման եղանակով կարելի է վարակվել սնկային վարակով, ինչպես նաեւ որեւէ վիրուսով, օրինակ` գրիպի:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է