• Latest news

Չինաստանում մահացած մանուկն արթնացել է դիակիզումից մի քանի րոպե առաջ

10 փետրվարի, 2016  17:38

Չինաստանում նորածինը, որի մահն արձանագրել էին բժիշկները, արթնացել է դիակիզումից մի քանի րոպե առաջ: 

Տղան ծնվել էր հունվարի 8-ին Չժեցզյան նահանգում` սահմանված ժամանակից երկու ամիս շուտ:  Բժիշկները նրան տեղավորել էին ինկուբատորում, որում նա 23 օր էր անցկացրել: Դրանից հետո ծնողները, չնայած բժիշկների խորհուրդներին, որոշել էին երեխային տուն տանել. նրանք ուզում էին միասին տոնել չինական Նոր Տարին  (փետրվարի 8-ը):

Երկու օր անց տղան հիվանդացել էր, նրան հետ էին տարել բուժկենտրոն: Փետրվարի  4-ին բժիշկները նրա մահն էին արձանագրել: Մարմինը դիահերձարանում  23 ժամ մնացել էր ըստ Ցելսիուսի 12  աստիճան ցրտի պայմաններում, գրում է The Independent-ը:

Հաջորդ օրը, երբ երեխային սառնախցիկից հանել էին դիակիզման համար, նորածինը հանկարծակի լաց էր եղել: Աշխատակիցներն անմիջապես կապվել էին նրա ընտանիքի հետ: Դրանից հետո տղային տեղավորել էին ինտենսիվ թերապիայի բաժանմունքում: 

Բժիշկ Չենը, որը տղային մեռած էր հայտարարել, իր տարակուսանքն է հայտնել. «Ես իրոք չեմ հասկանում, թե ինչպես կարող էր նման հրաշք տեղի ունենալ»: Հիվանդանոցի կառավարիչը նշել է, որ հաստատության անձնակազմը պիտի հիվանդին եւս մեկ անգամ ստուգեր`  մահն արձանագրելուց առաջ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է