Մեծ Բրիտանիայի եւ Շվեդիայի գիտնականները նանոմասնիկների ձեւ ունեցող հակաուռուցքային դեղամիջոցի նոր տարբերակ են մշակել: Պարզվել է, որ ստացված դեղամիջոցը միաժամանակ արդյունավետ է եւ քիչ թունավոր. Դա բավականին հազվագյուտ համադրություն է:
Գիտնականները, Սյուզան Էշթոնի ղեկավարությամբ, նանոմասնիկների մեջ Aurora B կինազայի արգելակիչ են ներառել, որի արդյունավետությունը ներկայումս հետազոտվում է մի շարք կլինիկական փորձարկումներում:
Հակաուռուցքային դեղամիջոցները սովորաբար բազմաթիվ կողմնակի հետեւանքներ են ունենում եւ հաճախ թունանյութ են մտցնում հիվանդների օրգանիզմ: Նանոմասնիկների տեսքով դեղամիջոցի ստացումը հնարավորություն է տվել նվազեցնել դեղամիջոցի թունավորության աստիճանը` միաժամանակ պահպանելով դրա արդյունավետությունը: Նոր մշակումը փորձարկվել է մկների վրա, որոնք տառապում են ցրված խորոշաբջջային В-բջջային լիմֆոմայով եւ ուղեղ աղիքի քաղցկեղով տառապող առնետների վրա:
Ինչպես ցույց են տվել փորձարկումները, նանոմասնիկները կուտակվել են ուռուցքի հատվածում, ինչից հետո ոչնչացել են` դանդաղորեն արտազատելով դեղը, որն ազդել է քաղցկեղային բջիջների վրա եւ գրեթե չի դիպել առողջներին: Նանոմասնիկներն արդյունավետորեն ճնշել են ուռուցքների աճը եւ անհամեմատ ավելի քիչ երկրորդական հետեւանքներ են ունեցել, քան չպատիճավորված արգելակիչը:
Հեղինակները նախատեսել են իրենց հետագա հետազոտություններում ստուգել նանոմասնիկների անվտանգությունը, ինչպես նաեւ տեսնել, թե ինչպես կգործեն պատիճի մեջ չտեղադրված հակաուռուցքային այլ միջոցները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր