Նախարար. Ավելի խիստ ենք հետեւելու դեղերի դեղատոմսով բաց թողնման խնդրին
15:48 12 մայիսի, 2016Նոր օրենքը կավելացնի խստությունը դեղերը դեղատոմսով բաց թողնելու հարցում: Այդ մասին մայիսի 12-ին կառավարության նիստից հետո լրագրողներին հայտնել է առողջապահության նախարար Արմեն Մուրադյանը` մեկնաբանելով «Դեղերի մասին» օրենքը, որն ընդունվել է 2–րդ ընթերցմամբ:
Նման պրակտիկան ընդունված է ամբողջ քաղաքակիրթ աշխարհում, հաշվի առնելով, որ աշխարհում տարածվել են դեղերի դեմ կայուն միկրոօրգանիզմներ եւ մեծ մասամբ` հակաբիոտիկների չհամակարգված օգտագործման պատճառով, հավելել է նա:
«Դեղատոմսով դեղերի բաց թողումն արձանագրված է նաեւ ներկայիս օրենքում, բայց այդ պրակտիկային ոչ միշտ են հետեւում: Նոր օրենքը կուժեղացնի պատասխանատվությունը նման խախտումների համար», - հայտնել է նա: