6 բան, որ չի կարելի անել քնից առաջ
23:32 25 հունիսի, 2016Մեր որոշ սովորույթներ ազդում են քնի որակի վրա եւ մեզ խանգարում են լավ քնել: Ձեր ուշադրությանն ենք ներկայացնում մի քանի բան, որոնք ոչ մի դեպքում չի կարելի անել քնից առաջ:
Բարձր երաժշտություն լսել
Քնից առաջ բարձր երաժշտությունն ակտիվացնում է ուղեղը եւ խախտում է քնի շրջափուլերը: Եթե Դուք շատ եք ուզում երաժշտություն լսել, փորձեք որեւէ ցածր եւ հանգիստ բան ընտրել, որը քնի է տրամադրում:
Վիճել
Ընտանիքի անդամների հետ վեճերը ոչ միայն փչացնում են տրամադրությունը, այլեւ հորմոնային անհավասարակշռություն են առաջացնում: Վեճերից հետո Դուք հազիվ թե կարողանաք քուն մտնել եւ նորմալ քնել:
Քնից առաջ ուտել
Ցանկալի է, որ սննդի վերջին ընդունման եւ քնի պառկելու արանքում առնվազն երկու ժամ անցնի: Հակառակ դեպքում օրգանիզմը դեռ կմարսի ստացված սնունդը եւ դա նկատելիորեն կնվազեցնի քնի որակը:
Ալկոհոլ խմել
Եթե Դուք չեք պատրաստվում առույգությունը պահպանել մինչեւ գիշերվա կեսը, չարժե քնից առաջ ալկոհոլ օգտագործել, չէ որ դա բացասաբար է ազդում քնի շրջափուլերի վրա: Ժամանակի հետ ալկոհոլը ոչ միայն խախտում է քնի որակը, այլեւ անքնության պատճառ է դառնում:
Հեռուստացույց նայել կամ համակարգչի էկրանին
Երկար աշխատանքային օրվանից հետո համակարգչով կամ պլանշետով ընկերների հետ շփումը կամ հեռուստացույց նայելը իհարկե կարող է օգնել լիցքաթափվելուն, բայց եթե Դուք ուզում եք լավ քնել, ավելի լավ է հրաժարվել այդ սովորույթներից: Քնից մեկ ժամ առաջ ավելի լավ է գիրք կարդալ (թղթային, ոչ թե հեռախոսի էկրանից), որովհետեւ հենց դա է օրգանիզմը քնի տրամադրում:
Սուրճ կամ թեյ խմել
Թեյը եւ սուրճը կոֆեին են պարունակում, որը խթանում է ուղեղը եւ օգնում է պահպանել ակտիվությունը: Խորհուրդ չի տրվում քնից առաջ խմել այդ ըմպելիքները: