Գիտնականները մշակում են ուտելու ենթակա մարտկոցներ

Քրիստոֆեր Բեթթինգերը ու նրա գործընկերները Carnegie Mellon University–ից մտադիր են ստեղծել ուտելու համար պիտանի մարտկոցներ, որոնք էներգիա կմատակարարեն կուլ տալու համար նախատեսված բժշկական սարքերին, օրինակ տեսախցիկով հաբերին: Ավելին, ուտելու ենթակա մարտկոցների շնորհիվ հնարավոր կլինի զգալիորեն ընդլայնել ախտորոշման համար գործածվող սարքերի ցանկը:

Մարտկոցը, որը հիմա փորձում են ստեղծել գիտնականները, անվտանգ է լինելու կուլ տալու համար: Սարքի հիմքում մելանին պիգմենտն է, որը կա մաշկի ու մազերի մեջ: Մարտկոցների կազմում կան նաեւ այլ կենսաբանորեն համատեղելի նյութեր՝ մանգանի օքսիդ, պղինձ ու երկաթ: Մելինինային մարտկոցը, որը պարունակում է 0.6 գրամ պիգմենտ, կարող է 18 ժամ սնել 5 միլիվատտ գործածող սարքը, իսկ դրանից հետո այն պարզապես կլուծվի սարքի հետ միասին՝ օրգանիզմին չպատճառելով ոչ մի վնաս:

Առաջ չէր հաջողվում ստեղծել բիոդեգրադացվող մարտկոցներ ու դրանք օրգանիզմից դուրս էին գալիս բնական ճանապարհով: Խնդիրն այն է, որ նման սարքերի հաճախակի գործածումը կարող է բացասաբար ազդել առողջության վրա ՝ դրանք կարող են թունավոր լինել ամբողջ օրգանիզմի համար:: Carnegie Mellon University -ի գիտնականների մշակումը լավ ու առավել անվնաս այլընտրանք է:

Մարտկոցն արդեն պատրաստ է, ու հիմա գիտնականները փորձում են դրա համար լուծելի անվտանգ պատյան ստեղծել: Դրա համար նրանք ծրագրում են այլ բիոնյութեր գործածել, օրինակ պեկտին: