ՀՀ Առողջապահության նախարարությունը էնտերովիրուսային հիվանդությունների վարման ուղեցույց է մշակել
12:38 10 հուլիսի, 20142014 թվականի մարտից աշխարհում դիտվում է էնտերովիրուսային վարակներով պայմանավորված հիվանդությունների աստիճանաբար ակտիվացում: Մի շարք երկրներում` Վրաստանում, Մոլդովայում, Ղրղզստանում եւ այլուր գրանցվել են բռնկումներ:
Մարտից ի վեր Հայաստանի Հանրապետությունում արձանագրվել է էնտերովիրուսային վարակով պայմանավորված շճային մենինգիտի 90 դեպք։
Հիվանդության դեպքերի հայտնաբերման ուղղությամբ բուժաշխատողների զգոնությունը բարձրացնելու, ինչպես նաեւ հայտնաբերված հիվանդների բուժումը պատշաճ ձեւով կազմակերպելու նպատակով ՀՀ առողջապահության նախարարությունում մշակվել եւ բուժհաստատություններին է ուղարկվել երեխաների մոտ էնտերովիրուսային վարակով պայմանավորված վիճակների ախտորոշման, վարման եւ բուժման ուղեցույց: Միաժամանակ Էնտերովիրուսային վարակների վերաբերյալ հուշաթերթիկ է պատրաստվել մայրերի համար։