Հնդկաստանում ութ վերջույթներով երեխա է ծնվել (ֆոտո)

Հարյուրավոր ուխտագնացներ հնդկաստանի Բարույպուր քաղաքի ճամփան են բռնել հրաշքին ականատես լինելու  համար. այնտեղ չորս ոտքով եւ չորս ձեռքով երեխա է ծնվել։ Քաղաքային ոստիկանությունը մեծ ջանքեր է գործադրում կարգ ու կանոն հաստատելու համար։

Ուխտավորները համոզված են, որ երեխան ութ վերջույթներով պատկերվող Բրահմա աստծու ռեինկարնացիան է։ Նույն կարծիքն ունեն նաեւ երեխայի ծնողները, ովքեր նրան Աստվածամանուկ (God Boy) անունն են տվել, գրում է The Daily Mail–ը։

Բժիշկները ենթադրում են, որ «ավելորդ վերջույթները» երեխան ստացել է երկվորյակ եղբոր չզարգացած սաղմից։