MitoQ հակաօքսիդանտն օգնում է ցրված սկլերոզի բուժման ժամանակ
14:25 7 հունվարի, 2014Ավելի քան տաս տարի առաջ սինթեզված հակաօքսիդանտը կարող է զգալիորեն թեթեւացնել ցրված սկլերոզի ախտանիշները, բացահայտվել է լաբորատոր մկների վրա կատարված փորձերի ընթացքում:
Օրեգոնի Առողջապահության եւ գիտությունների Համալսարանի (Oregon Health & Science University - OHSU) հետազոտողները ցուցադրել են, որ MitoQ հակաօքսիդանտը նվազեցնում է ցրված սկլերոզի նման հիվանդությամբ տառապող մկների ախտանիշները, հաղորդում է Newsmax Health-ը:
«MitoQ-ն նաեւ զգալիորեն նվազեցնում է նեյրոնների բորբոքումը եւ դեմիելինիզացիան»,- ասաց OHSU-ի պրիմատների հետազոտման բաժնի առաջատար գիտնական Պ. Հեմչանդրա Ռեդդին: «Սրանք շատ հետաքրքիր արդյուքներ են: Նրանք կարող են նոր դաշտ հանդիսանալ ցրված սկլերոզի դեմ պայքարի համար»,- նշեց նա:
Ցրված սկլերոզն առաջանում է միելինի վրա օրգանիզմի իմունային համակարգի հարձակման պատճառով: Միելինը կենտրոնական նյարդային համակարգի նյարդաթելերը շրջապատող պաշտպանիչ թաղանթ է: Արդյունքում տեղի է ունենում նյարդի վնասում, նկատվում են տեսողության վատացում, հավասարակշռության կորուստ, կծկտուր խոսք, տրեմոր, սակավարյունություն եւ հիշողության ու կենտրոնացման խանգարումներ:
Ռեդդիի թիմն աշխտաում է ՝ հասկանալու համար ուղեղի տարբեր հատվածներում MitoQ-ի նյարդապաշտպան ազդեցության մեխանիզմը, եւ բացահայտելու համար, թե ինչպես է MitoQ-ն պաշտպանում գլխուղեղի բջիջների միտոքոնդրիումները։