Samsung Electronics ընկերությունը կաթվածների ախտորոշման համակարգ է մշակել
22:49 29 հունվարի, 2015Samsung Electronics ընկերության ինժեներների խումբը Creativity Lab (C-Lab) կորպորատիվ լաբորատորիայի հիման վրա սարք է մշակել, որն ուղեղի ալիքների միջոցով ախտորոշում է կաթվածները:
Սարքավորումը սենսորներով գլխարկ է, իսկ սենսորները ստացված տվյալներն ալգորիթմների են վերածում: Դրանք ընկալում է ծրագիրը, որն օգնում է հետեւել ուղեղի ալիքներին: Տվյալ ծրագիրը կարելի է սմարթֆոնի, պլանշետի կամ համակարգչի մեջ տեղադրել սեփական առողջական վիճակի կանոնավոր ստուգում կատարելու համար, պատմում է CTV News-ը:
Այսինքն՝ հնարավոր է անոմալիաներն ավելի շուտ գրանցել, քան դրանք ծանր կաթվածի կամ էլ նկատելի ախտանշանների կվերածվեն: Ուղեղի ալիքները վերլուծելու համար 15 րոպե է պահանջվում: Samsung-ի ներկայացուցիչների խոսքով իրենց մշակած սարքավորումը շատ ավելի արագ է, քան հիվանդանոցային տարբերակը:
Ռեզին հիշեցնող նոր գերհաղորդիչ նյութի շնորհիվ գլխարկի սենսորներն աչքի են ընկնում բարձր ճշգրտությամբ եւ զգայունությամբ: Նոր նյութը նաեւ թույլ է տալիս սենսորները գլխի աքսեսուարների, ակնոցի վրա տեղադրել: