Բրնձի պատրաստման նոր մեթոդը թույլ կտա նվազեցնել դրա կալորիականությունը 50-60%
15:40 25 մարտի, 2015Բրինձը համարվում է բարձր կալորիականությամբ սնունդ, սակայն մասնագետները վերջերս բացահայտել են դրա պատրաստման այնպիսի մեթոդ, որը թույլ է տալիս նվազեցնել օրգանիզմի կողմից յուրացվող կալորիաների քանակը 50-60%:
Բժիշկ Սուդհեյր Ջեյմսը եւ նրա գործընկերները Քիմիական գիտությունների քոլեջից (Շրի Լանկա) կարծում են, որ, բրնձի բաղադրության մեջ կայուն օսլայի պարունակության մակարդակը բարձրացնելու դեպքում կարելի է զգալիորեն կրճատել դրա կալորիականությունը: Իսկ բարձրացնել օսլայի պարունակությունը կարելի է հետեւյալ կերպ. գիտնականները կես բաժակ բրինձ են ավելացրել եռման ջրի մեջ՝ այնուհետեւ ավելացնելով նաեւ 1 գդալ կոկոսի ձեթ: Հետո դանդաղ կրակի վրա եփել են բրինձը 40 րոպեի ընթացքում (բայց, գիտնականների խոսքով, այն կարելի էր եփել նաեւ ավելի ուժեղ կրակի վրա 20-25 րոպեների ընթացքում), իսկ այնուհետեւ 12 ժամով դրել սառնարան:
Այս մեթոդով բրնձի պատրաստման դեպքում կայուն օսլայի պարունակությունը բրնձի մեջ մեծանում էր տաս անգամ: Բրնձի մեջ օսլան լինում է երկու տեսակի՝ մեկը յուրացվում է օրգանիզմի կողմից, մյուսը՝ ոչ (կայուն օսլա): Օրգանիզմի կողմից յուրացվող օսլան գլյուկոզայի է վերածվում, հայտնվում է արյան մեջ եւ կարող է հանգեցնել ավելորդ քաշի գոյացմանը: Ստացվում է, որ, ինչքան շատ է կայուն օսլան բրնձի մեջ, այդքան շուտ է այն լքում օրգանիզմը՝ առանց վերջինիս նոր կալորիաներ տրամադրելու:
Ապագայում գիտնականները պլանավորում են պարզել, կախված է արդյոք այս էֆեկտը բրնձի տեսակից եւ կարելի է արդյոք ուրիշ ձեթ օգտագործել: