Տղամարդու ստամոքսում հարյուրավոր կոպեկներ ու մեխեր են գտել
19:48 26 ապրիլի, 201534-ամյա Ռաջապ Սինգխը հիվանդանոց է եկել՝ գանգատվելով ստամոքսի ցավերից: Պարզվեց, որ վերջին երեք տարվա ընթացքում տղամարդը կուլ է տվել 140 կոպեկ, 150 մեխ և մի շարք այլ մետաղյա իրեր: Այս տարօրինակ սովորությունը ձևավորվեց նրա մոտ այն ժամանակ, երբ նա սկսեց դեպրեսիայով տառապել: Երկաթ կուլ տալը, ինչպես նշեց տղամարդը, հանգստացնում էր նրան:
«Ես կուլ էի տալիս կոպեկները, և հյութ կամ կաթ խմում: Ընտանիքում խնդիրների պատճառով ես դեպրեսիայով սկսեցի տառապել և ձեռք բերեցի այս սովորությունը: Բժիշկները ասել են, որ երկաթը կարող էր ծակել ստամոքսս և սպանել ինձ», - պատմեց Ռաջպալը:
Տղամարդու խոսքով՝ նա չէր հասկանում, որ որովայնի ցավերը կարող են կուլ տված երկաթներով ու մեխերով պայմանավորված լինել: Բժիշկները ստիպված եղան ավելի քան 240 էնդոսկոպիկ պրոցեդուրա անցկացնել՝ տղամարդու ստամոքսից բոլոր այս իրերը հանելու համար, իսկ այնուհետև նաև 9 ժամ տևած վիրահատություն՝ մնացած կոպեկները հանելու համար: Մետաղի մի մասը դեռևս մնացել է ստամոքսում և պետք կլինի ևս մեկ վիրահատություն անցկացնել՝ դրանք հեռացնելու համար:
Այժմ տղամարդն իրենց լավ է զգում և նշում է, որ այլևս երբեք երկաթ կուլ չի տա: