Կարտոֆիլ ֆրին օգնում է վերականգնվել մարզումներից հետո
15:04 27 ապրիլի, 2015Մարզումներից հետո կարել է կարտոֆիլ ֆրի ուտել, քանի որ այն դրական է ազդում արյան մեջ գլյուկոզայի, ինսուլինի, գլիկոգենի մակարդակի վրա՝ այնպես, ինչպես մարզիկների համար նախատեսված սննդային հավելումները, պնդում են Մոնտանայի համալսարանի գիտնականները:
Իրականացված հետազոտություններին մասնակցել է 11 հեծանվորդ: Մարզումներից անմիջապես հետո եւ երկու ժամ անց նրանց կամ մարզիկների համար նախատեսված մթերքեր էին տալիս (օրինակ, Gatorade եւ PowerBars) կամ ֆասթ ֆուդ (համբուրգեր, կարտոֆիլ ֆրի եւ այլն): Պարզվեց, որ բոլոր մարզիկների մոտ գլյուկոզայի, ինսուլինի ու այլ ցուցանիշները մոտավորապես նույնն էին եւ առանձնապես կախված չէին օգտագործած սննդից:
Սակայն, գիտնականների խոսքով, պետք է պարզել, ինչից է պատրաստված ֆասթ-ֆուդը, որն օգտագործում էին մարզիկները: Համբուրգերը սպիտակուցների աղբյուր է, իսկ կարտոֆիլ ֆրին հիմնականում կազմված է ածխաջրերից եւ ճարպերից: Հավանաբար, մարզիկների օրգանիզմը վերականգնվում էր մարզումներից հետո հենց այն պատճառով, որ այս սնունդը ներառում էր անհրաժեշտ բոլոր նյութերը:
Անկախ սպորտաձեւից եւ ծանրաբեռնվածության աստիճանից՝ օրգանիզմը սպիտակուցների ու ճարպերի կարիք ունի: Չնայած նրան, որ ֆասթ ֆուդն այս ամենը պարունակում է, գիտնականներն ամեն դեպքում խորհուրդ չեն տալիս չարաշահել այն՝ ավելի առողջ սննդակարգ նախընտրելով: