5 խորհուրդ այն մարդկանց, ովքեր չեն կարողանում կենտրոնանալ աշխատանքի վրա
11:50 3 մայիսի, 2015Եթե Դուք դժվարությամբ եք կենտրոնանում աշխատանքի վրա, մասաժիստ-թերապեւտ Սյուզի Ցինալիի խորհուրդները կարող են օգնել Ձեզ.
1. «Երրորդ աչքի» մերսում
Միջնամատի ծայրով մերսեք ունքերի հատվածը՝ այնտեղ, որտեղ քիթը միանում է ճակատին: Կրկնեք այս շարժումները 3-4 րոպեի ընթացքում, օրական երկու-երեք անգամ:
Մասնագետի խոսքով` սա ապահովում է կապը հիպոֆիզի՝ փոքր գեղձի հետ, որը մեծ նշանակություն ունի էնդոկրին համակարգում:
2. Դդմի սերմեր
Դդմի սերմերը փոքր քանակը նույնիսկ կարող է ապահովել օրգանիզմը ցինկով, որն անհրաժեշտ է հիշողության բարելավման ու կոգնիտիվ գործառույթների համար: Այս սերմերը պարունակում են նաեւ Օմեգա-3 ճարպեր, որոնք անհրաժեշտ են ուղեղի աշխատանքի համար եւ պաշտպանում են նյարդաթելիկները:
3. Ձուկ նախաճաշին
Եթե ցանկանում եք բարելավել ուղեղի աշխատանքը, նախաճաշի մեջ ընդգրկեք օմեգա-3 ճարպաթթուներով հարուստ եւ Ալցհեյմերի հիվանդությունն ու հիշողության կորուստը կանխարգելող յուղոտ ձկնեղենը:
4. Խորը շունչ քաշեք
Եթե Դուք կարեւոր որեւէ գործ պետք է անեք, փորձեք դանդաղեցնել շնչառությունը, հաշվեք մինչեւ վեցը, շնչեք, պահեք շունչը երբ հասնեք երկուսի, այնուհետեւ արտաշնչեք եւ դանդաղ հաշվեք մինչեւ իննը:
5. Հաճելի նկարներ
Եթե Ձեր մտքերն աղոտ են ու դա խանգարում է Ձեզ կենտրոնանալ աշխատանքի վրա, որոշ ժամանակ տրամադրեք կատուներով եւ շնիկներով նկարներ դիտելուն: Վերջերս ճապոնացի գիտնականները պարզել են, որ մարդկանց մտավոր կարողությունները բարելավվում են այն բանից հետո, երբ նրանք այդպիսի նկարներ են դիտում: