Նիհարելուն նպաստող ածխաջրեր պարունակող 5 սննդամթերք
22:51 3 մայիսի, 2015Ոչ բոլոր ածխաջրերն են վնասակար: Որոշները, ընդհակառակը, ոչ միայն օգտակար են առողջության համար, այլ նաեւ օգնում են նիհարել:
Դեռեւս 2011 թվականին Հարվարդի համալսարանի մասնագետները պարզեցին, որ այն մարդիկ, ովքեր հացահատիկային սնունդ ու մթերքներ են նախընտրում, 20 տարվա ընթացքում շատ քիչ ավելորդ քաշ են հավաքում: Ավելին՝ մնացած հետազոտությունները եւս ցույց են տվել, որ հացահատիկային մթերքներն օգնում են նվազեցնել քաշը:
NEWS.am Medicine-ի խմբագրությունը Ձեր ուշադրությանն է ներկայացնում ածխաջրերով հարուստ եւ կազմվածքի համար օգտակար 5 մթերք.
Վարսակ
Վարսակի շիլան իզուր չէ համարվում անգլիացի ազնվականների սիրած ուտեստը: Այն ապահովում է հագեցածության երկարատեւ զգացում, իսկ դրան թարմ մրգեր եւ ընկուզեղեն ավելացնելու դեպքում այն նաեւ շատ օգտակար է դառնում:
Կինոա
Հարավային Ամերիկայում աճող կինոան սպիտակուցների եւ սննդային թելիկների հիանալի աղբյուր է: Կինոայի սերմերի մեկ բաժակը բավական է 8 գրամ սպիտակուց ստանալու համար: Բացի այդ՝ կինոայում պարունակվում են 9 ամենակարեւոր ամինաթթուներ, ինչպես նաեւ հակաօքսիդանտներ:
Եգիպտացորեն
Բնական եգիպտացորենում ընդամենը 93 կալորիա է պարունակվում, ինչպես նաեւ 3 գրամ սննդային թելիկներ:
Լոբի
Լոբին սննդային թելիկների եւ բանջարեղենային սպիտակուցի լավագույն աղբյուր է: Լոբու մեկ բաժակում պարունակվում է 11 գրամ սննդային թելիկներ, եւ 15 գրամ սպիտակուց:
Սննդային թելիկների բարձր պարունակությամբ կրեկերներ
Սա կրեկերների յուրահատուկ տեսակ է, որի մեջ 3 գրամից ոչ պակաս սննդային թելիկներ են պարունակվում: Դրանք հոյակապ հագեցնում են՝ թույլ տալով մարդուն շատ երկար ժամանակ քաղցի զգացում չունենալ: