Դիաբետը կարող է Ալցհեյմերի հիվանդության պատճառ դառնալ

Վաշինգթոնի համալսարանի բժշկական դպրոցի գիտնականները կապ են հայտնաբերել դիաբետի եւ Ալցհեյմերի հիվանդության միջեւ: Նրանց ներկայացրել են նոր ապացույցներ, որ հիվանդներին հիշողությունից զրկող հիվանդությունը կարող է արյան մեջ շաքարի բարձր պարունակության հետեւանք լինել: Համապատասխան հոդվածը լույս է տեսել The Journal of Clinical Investigation ամսագրում:

Նախկինում իրականացրած հետազոտությունները եւս խոսում էին այն մասին, որ դիաբետը Ալցհեյմերի հիվանդության տեսական տրիգեր է համարվում, իսկ մկների վրա իրականացրած նոր հետազոտությունը ցույց տվեց, որ արյան մեջ գլյուկոզայի բարձր պարունակությունը կարող է ազդել բետա-ամիլոիդների մակարդակի վրա, որոն էլ անմիջականորեն կապված են Ալցհեյմերի հիվանդության հետ:

«Արդյունքները ցույց են տալիս, որ դիաբետը կամ այլ հիվանդությունները, որոնք դժվարացնում են արյան մեջ շաքարի պարունակության մակարդակի վերահսկումը, կարող են բացասաբար անդրադառնալ գլխուղեղի գործառույթների վրա եւ ակտիվացնել Ալցհեյմերի հիվանդությունը», - նշում է հետազոտության առաջատար հեղինակ Շենոն Մակալեյը: