Հայտնի հիվանդանոցային ծաղրածու Պետչ Ադամսը՝ «Արաբկիր» կլինիկայում

Այսօր՝ մայիսի 20-ին, Արաբկիր» կլինիկա է այցելել հայտնի բժիշկ եւ հիվանդանոցային ծաղրածու Պետչ Ադամսը (Հանթեր Դոերթի Ադամս)՝ մի մարդ, որը բժշկական պրակտիկա ներմուծեց հիվանդանոցային ծաղրածու հասկացությունը:

Պետչ Ադամսը կլինիկայում կանցկացնի մոտ 1.5 ժամ, որի ընթացքում կայցելի կլինիկայի հիվանդ երեխաներին եւ նրանց համար յուրահատուկ ծրագրով հանդես կգա:

Հիշեցնենք, որ Պետչ Ադամսը Հայաստան է եկել մայիսի 18-ին: Մեր երկրում նա կգտնվի մեկ շաբաթ: Նա պլանավորում է այցելել հիվանդանոցներ ու մանկատներ Երեւանում, Գյումրիում, Վանաձորում եւ Դիլիջանում: Մայիսի 18-ին նա Երեւանի պետական բժշկական համալսարանում հանդես կգա դասախոսությամբ, իսկ մայիսի 26-ին պլանավորում է դասախոսություն կարդալ նաեւ Հայաստանի ամերիկյան համալսարանում:

Պետչ Ադամսի այցը կազմակերպվել է «Հայաստանի զարգացման նախաձեռնություններ» հիմնադրամի կողմից՝ սոցիալական ծառայություններիի եւ առողջապահական մարմինների աջակցությամբ:

Հիշեցնենք, որ, բացի հիվանդանոցային կլոունադային մասնակցելուց, Ադամսը նաեւ սոցիալական ակտիվիստ է, բարի կամքի դեսպան, դերասան եւ գրող: Ադամսի կյանքի ու գործունեության պատմության հիման վրա նկարահանվել է «Բուժարար Ադամս» ֆիլմը, որտեղ Ադամսին մարմնավորել է Ռոբին Ուիլյամսը: