Ֆոտոնախագիծ. մայրերն ու նրանց երեխաները լույս աշխարհ գալուց 24 ժամ հետո
16:36 24 մայիսի, 20155 տարի շարունակ լուսանկարիչ Ջեննի Լյուսին աշխատում էր One Day Young նախագծի վրա: Նա լուսանկարում էր մայրերին իրենց երեխաների հետ՝ նրանց լույս աշխարհ գալուց 24 ժամ հետո: Ջեննիի խոսքով՝ նախագծի նպատակն է՝ ցույց տալ, որ երեխայի ծնունդը շատ դրական երեւույթ է, եւ դրա մեջ վտանգավոր եւ վախենալու ոչինչ չկա:
«Ես գտնում եմ, որ այս նկարները շատ խիզախ են եւ գեղեցիկ եւ մարտահրավեր են նետում կյանքի առաջին 24 ժամվա մասին դասական պատկերացումներին, դա մայրության իսկական տոն է», - նշեց լուսանկարիչը:
Նա նշեց նաեւ, որ այս նախագիծը պետք է ցույց տա, որ ծննդաբերելը, իհարկե, ցավով է ուղեկցվում, սակայն մայրության ճանապարհը նաեւ դրական կողմեր ունի:
Նախագծի շրջանակներում 150 լուսանկար է արվել, որոնցից 40-ը լուսանկարիչն առանձնացրել է իր նոր «One Day Young» գրքի համար:
