Գիտնականները պնդում են, որ բերանի խոռոչի ողողման համար նախատեսված հակասեպտիկը բարձրացնում է զարկերակային ճնշումը եւ սրտի կաթվածի ու ինսուլտների հավանականությունը:
Երբ 19 կամավորներ սկսել են օրական երկու անգամ օգտագործել Corsodyl, նրանց զարկերակային ճնշումը բարձրացել է 2-3,5 միավորով:
Զարկերակային ճնշման բարձրացումը երկու միավորով բարձրացնում է սրտի հիվանդություններից մահվան ռիսկը 7% -ով եւ ինսուլտից՝10%-ով, մեկ այլ հետազոտության համաձայն, հաղորդում է Newsmax Health-ը: Բայց ստոմատոլոգները դեմ են, որպեսզի եզրակացություններ արվեն այս փոքր հետազոտության հիման վրա:
Corsodyl-ը արտադրող GlaxoSmithKline ընկերությունը հայտարարել է, որ այս միջոցը նախատեսված է կարճաժամկետ օգտագործման համար՝ ատամնափառը կանգնեցնելու եւ լնդերի հիվանդությունների դեմ պայքարելու համար:
Դեղագործական հսկան պատրաստվում է թողարկել մեկ այլ արտադրանք՝ Corsodyl Daily, առօրյա օգտագործման համար, որի մեջ պարունակվում է ընդհամենը 0,06 տոկոս քլորհեքսիդին:
Ընկերության ներկայացուցիչների խոսքով, նրանց սեփական հետազոտությունները չեն բացահայտել ոչ մի խնդիր բերանի խոռոչի Corsodyl հեղուկի օգտագործման հետ կապված: