19-ամյա կոլումբացին մեկ ամիս ապրել է մեջքի մեջ դանակի սայրով (ֆոտո)
11:49 27 հունիսի, 2015Կոլումբիայում վիրաբույժները 19-ամյա երիտասարդի մեջքից հեռացրել են դանակի սայրը, որն այնտեղ է եղել մոտ մեկ ամիս եւ որի մասին երիտասարդը ոչինչ չգիտեր:
Ինչպես նշում են կոլումբիական լրատվամիջոցները, Ջոննի Ջունիոր Պաչեկո Մոլինարեսը (Johnny Junior Pacheco Molinares) բացարձակապես ոչինչ չգիտեր իր մեջքի մեջ դանակի սայրի գտնվելու մասին: Նա վիրավորվել է փողոցային կռվի ժամանակ, սակայն որեւէ դիսկոմֆորտ չի զգացել այնքան ժամանակ, մինչեւ նրա մոտ շնչառական խնդիրների սկսվեցին: Հունիսի 25-ին նա դիմեց Սոլեդադ քաղաքի հիվանդանոց, որտեղ նրան ռենտգեն արեցին:
Մեծ էր բժիշկների զարմանքը, երբ նրանք ռենտգենի նկարներն ուսումնասիրելուց հետո դանակի 14 սանտիմետրանոց սայր նկատեցին: Երիտասարդի բախտը բերել էր, որ այն չէր վնասել կենսական նշանակություն ունեցող օրգանները, եւ բժիշկները կարողացան հեռացնել այն վիրահատության ընթացքում:
Վիրաբուժական միջամտությունից մեկ ժամ անց երիտասարդը գնաց տուն:
