«Գեղարվեստական» արեւայրուկը վտանգավոր է առողջության համար (ֆոտո)

Վերջերս տարածված ամռային «նորաձեւ» արեւայրուկը շատ վտանգավոր է առողջության համար, նշում են մասնագետները: Այդպիսի արեւայրուկը, ինչպես նաեւ ցանկացած այլ արեւայրուկ, ոչ միայն ծերացնում է մաշկը, այլ նաեւ նպաստում մաշկի քաղցկեղի զարգացմանը:

Նախկինում տարածված էր իդեալական հարթ արեւայրուկը, սակայն այս ամառ  մեծ տարածում գտավ «գեղարվեստական արեւայրուկը», որի էությունը կայանում է մարմնի վրա տարբեր նախշեր ստեղծելու մեջ՝ արեւի ու պաշտպանիչ քսուկներ միջոցով: Այսպես, մարդկանց մարմնի վրա հայտնվում են տարբեր նախշեր, գծեր, կլորակներ, տառեր եւ այլն: Այս նախշերը ժամանակավոր դաջվածքներ են հիշեցնում եւ երբեմն հետաքրքիր տեսք ունեն, եթե նկատի չունենանք, ինչքան վտանգավոր է այսպիսի արեւայրուկը առողջ ու երիտասարդ մարդկանց համար:

Հայտնի ամերիկացի մաշկաբան Քրիստոֆեր Օբեյմը St.Vincent Health-ից նշում է, որ ծանր արեւային այրվածքները ոչ միայն 50 տոկոսով ավելի հավանական են դարձնում մաշկի քաղցկեղը, այլ նաեւ ստիպում են մարդուն շատ արագ ծերանալ: Այդպիսի լոսւանկարների ու տեսանյութերի տարածոումը սոցցանցերով արհեստական արեւայրուկը մոդայիկ է դարձնում, եւ դա չի կարող չմտահոգել:

Skin Cancer Foundation հիմնադրամի փոխնախագահ բժիշկ Դեբորա Սարնոֆֆը կոչ է անում դադարեցնել արհեստական արեւայրուկի կիրառումը, քանի ոեւ վերջինիս հետեւանքները կարող են հիվանդագին ու նույնիսկ մահացու լինել: Բժիշկ Սարնոֆը կարծում է, որ այն դեռահասները, որոնք հինգ կամ ավելի այրվածքներ են ստացել, քաղցկեղ ձեռք բերելու 80 տոկոսով ավելի բարձր հավանականություն ունեն: