Կյանքի տեւողությունը մեծացնելու 7 պարզ եղանակ
20:25 29 օգոստոսի, 2015Գեներն իհարկե որոշ չափով կանխորոշում են կյանքի տեւողությունը, բայց ոչ պակաս դեր ունի մարդու կենսակերպը:
Ինչպես հաղորդում է The Telegraph-ը, մարդու գենոմի վերծանումից հետո գիտնականները այն եզրահանգման են եկել, որ գեներն ընդամենը 50%-ով են կանխորոշում կյանքի տեւողությունը: Իսկ որոշ հետազոտություններ կարծում են, որ ծերացման հարցում գենետիկայի դերը նույնիսկ դրանից էլ փոքր է:
«Ցակացած մարդ կարող է իր կյանքին 4-ից 15 տարի ավելացնել կյանքի միջին վիճակագրական տեւողության համեմատ», - պնդում են գիտնականները:
Նրանց կարծիքով, Ճապոնիայի եւ Իսլանդիայի փորձը համոզիչ ապացույց է առ այն, որ մարդիկ կարող են օգտակար սովորություններով եւ սննդով ինքնուրույն երկարացնել իրենց կյանքը:
Իսկ ո՞ր սովորություններն են երկարացնում կյանքը:
Գիտնականները գործոնների ցուցակ են կազմել, որոնց վերահսկողությունը մարդուց է կախված եւ որոնք իրոք նպաստում են երկարակեցությանը:
Լավ քունը կյանքը երկարացնում է 5-6 տարով:
Ծխելուց հրաժարումը կյանքը երկարացնում է 15 տարով:
Կանոնավոր ֆիզիկական ակտիվությունը ձեզ 3-ից 6 տարի կտա:
Ամենօրյա ծիծաղը՝ 5 տարի:
Սննդակարգում հեղուկի ավելացումը՝ 5 տարի:
Շաքարի օգտագործման նվազեցումը կյանքի տեւողությունը կմեծացնի 4-6 տարով:
Ճարպոտ սննդի քանակի նվազեցումն ու սպիտակուցային սննդի ավելացումը կյանքը կերկարացնի 4 տարով: