Արմեն Մուրադյանը Թբիլիսիում կմասնակցի Արեւելյան գործընկերության նախարարական հանդիպմանը
11:27 26 նոյեմբերի, 2015Նոյեմբերի 26-ին Թբիլիսիում կանցկացվեն Եվրոպական միության Արեւելյան գործընկերության անդամ պետությունների արտաքին գործերի եւ առողջապահության նախարարների ոչ պաշտոնական հանդիպումներ, որոնց կմասնակցի նաեւ ՀՀ առողջապահության նախարար Արմեն Մուրադյանի գլխավորած պատվիրակությունը:
Միջոցառումների առանցքում է Եվրոպական ընկերության շրջանակներում համագործակցության զարգացման ապահովումը: Առողջության պահպանման ոլորտում ընդհանուր հետաքրքրություն ներկայացնող հարցերի շուրջ մասնակիցները կկիսվեն իրենց տեսակետներով եւ գաղափարներով:
Կքննարկվեն ԱՀԿ միջազգային առողջապահական կանոնակարգերի իրականացման մարտահրավերներին, հակամանրէային դեղերի կայունության դեմ պայքարին, իմունականխարգեմանը վերաբերող հարցեր: Կանդրադառնան նաեւ ԱՀԿ ծխախոտի վերահսկման շրջանակային կոնվենցիայի իրականացման ընթացքին: