Կնոջ լեղապարկից 12 000 քար են հանել
19:42 27 նոյեմբերի, 2015Հնդկաստանի բնակիչ 51-ամյա Մինատի Մոնդալը ամբողջ երկու ամիս տառապում էր ստամոքսի ցավերից եւ այրման ուժեղ զգացումից: Թուլության պատճառը, պարզվեց, լեղապարկում 12 000 քարի առկայությունն էր:
Debdoot Sevayan հիվանդանոցի բժիշկները ցնցված էին, երբ մեկը մյուսի հետեւից հիվանդի լեղապարկից 11 950 քար էին հանել: Բժիշկների կարծիքով, դա համաշխարհային ռեկորդ է:
Այդ քարերը կազմված են խոլեստերինից եւ աղերից, որոնք ձեւավորվում են լեղապարկում` փոքրիկ, տանձ հիշեցնող օրգանում, որը լյարդի տակ է գտնվում եւ լեղի է կուտակում:
Բժիշկները ենթադրում էին, որ լեղապարկում մեկ-երկու քար հավաքված կլինի, սակայն ոչ մի կերպ չէին սպասում նման քանակություն հանել: Վիրաբույժ-գաստրոէնտերոլոգ Մահան Սահան ասել է, որ ինքը պատրաստ էր քարերի նման քանակության, սակայն երբ դրանց թիվը գերազանցել է 5 000-ը, բժիշկը քիչ է մնում կորցնի խոելու կարողությունը: Բժիշկ Սահան անձամբ է մոտ 12 000 քար հանել մեկ ժամ տեւած լապարոսկոպիկ վիրահատության ընթացքում:
«Ես ընդհանրապես չէի ենթադրում, որ մարդու լեղապարկը կարող է այսքան քար պարունակել, խոստովանել է բժիշկը: Իմ օգնականին 4 ժամ պետք եղավ դրանք հաշվելու համար: Քարերի տրամագիծը 2-ից 5 միլիմետր էր կազմում»: