Տղամարդկանց գրումինգ. Ամեն հինգերորդ տղամարդն ամեն ինչ սափրում է
23:38 30 նոյեմբերի, 2015Ամեն հինգերորդ տղամարդն անընդհատ խնամում է աճուկի հատվածը, սափրում է մազերը եւ տարբեր կոսմետիկ միջոցներ է օգտագործում: Սոցիոլոգները պարզել են, որ ուժեղ սեռը դա անում է հիգիենիկ պատճառներով կամ ավելի որակյալ սեքսի համար:
Դեռեւս վերջերս տղամարդիկ խնամքով հոգ էին տանում դեմքի մաշկին, հետո անցան կրծքավանդակին, իսկ այժմ նոր միտումը աճուկի հատվածը խնամելն է: Ավելի վաղ այդ հատվածը սոսկ կանանց դեպքում էր խնամքի արժանանում, որոնք տարբեր տեսակի ինտիմ կտրվածքներ էին անում կամ էլ ամբողջությամբ սափրում էին ցայլքի մազերը:
Իսկ այժմ սոցիոլոգները պարզել են, որ ուժեղ սեռի ներկայացուցիչների 20 տոկոսն ակտիվ հոգ է տանում մարմնի տվյալ հատվածին: Ընդունված է ցայլքի մազերն ամբողջությամբ հեռացնելը, ինչին գնալով ավելի շատ մարդիկ են դիմում: Նրանց շրջանում տարածվում է նաեւ այն կարծիքը, թե սեքսով զբաղվելու ընթացքում ավելի սուր եւ հաճելի զգացողություններ են ստանում, եթե տղամարդկանց աճուկի հատվածում մազեր չկան:
Շատերը դա անում են հիգիենիկ պատճառներով կամ էլ նրա համար, որ այդպես դուր է գալիս իրենց զուգընկերներին: Լանքասթերի համալսարանից հոգեբան Մեթյու Հոլլի կարծիքով, ներկայումս տղամարդկության նոր իդեալներին համապատասխանելու անհրաժեշտությունը տղամարդկանց վրա ճնշման առավելագույնին է հասել:
Այսպես կոչված տղամարդկային գրումինգի միտումը 1980-երից էվոլյուցիա է ապրում այնպիսի գործոնների ազդեցության տակ, ինչպիսին է տղամարդկային ամսագրերի ժողովրդականության աճը, սեռերի հավասարությունն ու ֆեմինիզմը, գեյ շարժումը եւ մի քանի այլ գործոններ: Այժմ տղամարդու համար ոչ միայն թույլատրելի, այլեւ ցանկալի է առավելագույն հետաքրքրություն դրսեւորել սեփական գրավչության հանդեպ, սակայն դա կարող է արտացոլվել նաեւ առնականության ֆետիշացմամբ (օրինակ` մորուքների ժողովրդական լինելը): Հերիք է նայել սուպերմարկետների դարակներին` տեսնելու, թե ուժեղ սեռի համար կոսմետոլոգիական արտադրանքի ինչ հսկայական քանակ է նախատեսված: