Մրսածությունը սպանել է 5 տարեկան բրիտանացի երեխային
20:36 8 փետրվարի, 2016Մեծ Բրիտանիայում հինգ տարեկան աղջիկը մահացել է, թվում է, թե սովորական մրսածությունից, ընդամենը մի քանի օրվա ընթացքում, որովհետեւ նրա հիվանդությունը ծայրաստիճան հազվագյուտ բարդացում է ունեցել: Նախ Էլիզաբեթ Սփենսերի մոտ սովորական մրսածություն հիշեցնող ախտանիշներ են ի հայտ եկել: Սակայն հաջորդ օրը նա կորցրել է գիտակցությունը եւ ուղարկվել է վերակենդանացման բաժանմունք, որի բժիշկները նրան արհեստական կոմայի մեջ են դրել:
Ընդամենը 18 օրից երեխան մահացել է: Մրսածություն հիշեցնող վիրուսը ծայրաստիճան հազվագյուտ աուտոիմունային հիվանդություն է առաջացրել հեմոֆագոցիտային լիմֆոհիստոցիտոզ անունով, որն էլ ծանրագույն սեպտիկ շոկի պատճառ է դարձել` հանգեցնելով կենսականորեն կարեւոր օրգանների անջատման: Հիվանդության պատճառով երեխայի վերջույթները դադարել են արյունով սնուցվել:
Այժմ նրա մայրը գումար է հավաքում, որպեսզի արշավ անցկացնի` մարդկանց ուշադրությունը հրավիրելով այդ հազվագյուտ հիվանդության վրա: Նա չի ուզում, որ որեւէ այլ մայր բախվի այդ մղձավանջին:
Հեմոֆագոցիտային լիմֆոհիստոցիտոզը շատ հազվագյուտ եւ բարդ հեմատոլոգիական հիվանդություն է: Այն բնութագրվում է օրգանիզմի հատուկ բջիջների` հիստոցիտների անբնական բազմացմամբ եւ ակտիվացմամբ: Հիվանդի վիճակը շատ արագ վատանում է եւ փրկության միակ հույսը դառնում է քիմիաթերապիայով եւ այլ հզոր դեղամիջոցներով բուժումը: Բայց նույնիսկ այդ դեպքում շանսերը բավականին ցածր են, եւ այս հիվանդությունը լիարժեքորեն հաղթահարելու միակ հավանականությունը ոսկրածուծի փոխպատվաստումն է:
