Վրաստանում տարեսկզբից խոզի գրիպից մահացել է 18 մարդ
11:49 22 փետրվարի, 2016Վրաստանում տարեսկզբից խոզի գրիպից մահացել է 18 մարդ: Այս մասին փետրվարի 22-ին հայտնել է Հիվանդությունների հսկողության կենտրոնը:
«Մահացությունների բոլոր դեպքերի պատճառը ուշացած բուժումն էր»,- հայտնել է կենտրոնի տնօրեն Ամիրան Գամկրելիձեն:
Նրա խոսքով, այս պահին H1N1 վիրուսով հիվանդացության ինտենսիվությունը նվազում է:
Հիշեցնենք, որ Հայաստանում նույնպես գրանցվել է խոզի գրիպից մահացության 18 դեպք, իսկ հիվանդության գագաթնակետը մեր երկրում հունվարի 17-18 ժամանակահատվածում էր: