• Latest news

Հալյուցինացիաներ եւ մահացած հոր հետ հանդիպում. LSD-ն փորձարկել են բուժական նպատակներով

6 մարտի, 2014  10:29

Շվեյցարիայում կյանքին վերջ տալ փորձած 12 հիվանդի վրա LSD դեղամիջոցը փորձարկվել է հոգեթերապիայի հետ զուգահեռ: Կամավորներից մեկը՝ 50-ամյա սոցիալական աշխատողն Ավստրիայից, իր ընկերոջից իմանալով դեղամիջոցի փորձարկման մասին, որոշել է փորձել՝ չնայած Ավստրիայից Շվեյցարիա ճանապարհի երկարությանն ու դժվարությանը: Ողնաշարի դեգեներատիվ հիվանդության պատճառով  նրան քիչ ժամանակ է մնացել, իսկ բուժման ավանդական մեթոդները չեն օգնել: LSD-ի՝ ավելի քան 40 տարվա մեջ առաջին հետազոտության արդյունքները հրապարակվել են Nervous and Mental Disease ամսագրում:

Հոդվածում ասված է ընդհանուր հոգեբուժության մեջ հալյուցինոգենների օգատգործումը վերականգնելու հետազոտողների փորձի մասին: Քանի դեռ դրանք 1966-ին ԱՄՆ-ում չէին արգելել, բժիշկները LSD-ն փորձել են տարբեր հիվանդությունների դեպքում, այդ թվում՝ ինքնասպանության հոգեվիճակում գտնվողների:

LSD-ն ընդունելուց առաջ բոլոր 12 հիվանդները հանդիպել են Փիթեր Գասսերի հետ, որը ղեկավարել է հետազոտությունը: Փորձը կազմված է եղել դեղերով թերապիայի երկու կուրսերից՝ մի քանի շաբաթ դադարով:

Դեղի ազդեցությունը դադարում է 10 ժամ անց, որից հետո հիվանդը պետք է բժիշկների հսկողության ներքո քնի: «Ես նրանց ասացի, որ ես ամբողջ ընթացքում իրենց կողքին կլինեմ, եւ որ իրենք հուսալի ձեռքերում են,- ասում է բժիշկ Գասսերը:- Ես նրաց նաեւ ասացի, որ չեմ կարող երաշխավորել, որ նրանց բոլոր ցավերն անմիջապես կանհետանան, բայց դրանք աստիճանաբար կանցնեն»:

Ամեն ինչ այդպես էլ եղավ, բայց ոմանց համար դժվար ճանապարհով: Որոշ մասնակիցներ լաց էին լինում, ուրիշները ցնցումներից գալարվում էին, մի  67-ամյա տղամարդ ասաց, որ նա երկնքում ինչ-որ տեղ իր վաղուց մահացած հորն է տեսել, որը ողջունել է նրան:

Բոլորը ժամանակ առ ժամանակ զրուցել են բժիշկ Գասսերի հետ, որը միաժամանակ եւ սիրտ է տվել եւ փորձը կատարել՝ հետեւելով այդ զգացումների ծագումը:

Երկամսյա բուժումից հետո 8 հիվանդները, որոնք  LSD-ի լրիվ չափաբաժին էին ընդունել, իրենց ավելի լավ էին զգում, իսկ փոքր չափաբաժին ստացածները՝ ավելի վատ (հետազոտությունից հետո նրանց լրիվ չափաբաժին կտրվի):

Դեղամիջոցը լուրջ կողմնակի ազդեցություններ չունի, նշում է The New York Times-ը:

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է