• Latest news

Սմարթ-թեւնոցը կօգնի որոշել արյան մեջ ալկոհոլի պարունակությունը

21 մայիսի, 2016  20:23

Արյան մեջ ալկոհոլի խտությունը որոշելու նպատակով անալիզները, ինչպես նաեւ այն խողովակները, որոնց մեջ անհրաժեշտ է «շնչել», մոտ ժամանակներս անցյալում կմնան: Առաջիկա տարիներին դրանց կփոխարինի հատուկ թեւնոցը, որն ի վիճակի է փաստացիորեն իրական ժամանակում որոշել արյան մեջ ալկոհոլի մակարդակը:  

BACtrackSkyn թեւնոցը, որը BACtrack ընկերության կողմից մշակվել է Wearable Alcohol Biosensor Challenge մրցույթի շրջանակում National Institute on Alcohol Abuse and Alcoholism-ի նախաձեռնությամբ, դաստակին են կրում. արտաքինից այն նման է ֆիթնես-թրեքերներին, որոնք այնքան մեծ տարածում են ստացել վերջերս: Թեւնոցն ի վիճակի է որոշել ալկոհոլի մակարդակը անդրմաշկային եղանակով, չծակելով եւ չվնասելով մաշկը.  BACtrackSkyn-ը մշտապես պարզում է անհրաժեշտ ցուցիչները եւ սմարթֆոնին տեղեկություններ է ուղարկում Bluetooth-ի միջոցով:

Մշակողների կարծիքով, թեւնոցն օգտակար կլինի հետազոտողներին, որոնք զբաղվում են ալկոհոլի ազդեցության ուսումնասիրմամբ. նրանք կկարողանան ստանալ իրենց անհրաժեշտ տվյալները, ընդ որում, ստիպված չեն լինի արյուն վերցնել հետազոտության մասնակիցներից: Բացի այդ, սարքը կկարողանան օգտագործել այն մարդիկ, որոնք հարբեցողությունից բուժման կուրս են անցել:  

Wearable Alcohol Biosensor Challenge մրցույթի շրջանակում անհրաժեշտ էր այնպիսի սարք ստեղծել, որն առավելագույնս արագ եւ ճշգրիտ չափում է արյան մեջ ալկոհոլի խտությունը: Այլ մշակողներ առաջարկել են արյան մակարդակը պարզելու համար ժամանակավոր դաջվածքներ օգտագործել, որոնք փոխում են գույնը, կամ էլ դրա խտությունը որոշել քրտինքում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել