• Latest news

Մարգարին ուտելուց հրաժարվելու 5 պատճառ

1 հունիսի, 2016  21:33

Որոշ մարդիկ դեռեւս սխալմամբ կարծում են, թե մարգարինը «ավելի օգտակար է» կամ էլ գոնե ավելի անվնաս է, քան կարագը: Իրականում դա բոլորովին էլ այդպես չէ: Մասնագետները նշել են մարգարինն ամենօրյա սննդակարգից բացառելու 5 համոզիչ պատճառ:

1. Ալերգիա

Մարգարինը էմուլգատորներ է պարունակում, գունավորիչներ եւ քիմիական կոնսերվանտներ, այդ պատճառով մեծ է ալերգիկ ռեակցիայի վտանգը: Ուշադիր կարդացեք փաթեթի վրա բաղադրիչների կազմը: 

2. Հիպերտոնիա

Մարգարինում կարող է շատ աղ լինել, որի ավելցուկը, ինչպես հայտնի է, կարող է հիպերտոնիայի հանգեցնել: Ավելին, մարգարինը նաեւ ջրաաղային հաշվեկշռի խախտում է առաջ բերում, ինչը վատացնում է հիպերտոնիայի ընթացքը: 

3. Սրտի հիվանդություններ

Մարգարինը տրանսճարպեր է պարունակում, որոնք շատ վտանգավոր են օրգանիզմի համար եւ սրտի հիվանդությունների զարգացման ռիսկի գործոններ են համարվում: Որոշ դեպքերում մարգարինի օգտագործումն ուղղակիորեն կապված է սրտի կաթվածների հետ: 

4. Քաղցկեղային հիվանդություններ

Մարգարինն ազատ ռադիկալներ է պարունակում` բաղադրիչներ, որոնք օրգանիզմն արտադրում է նյութափոխանակային ռեակցիաների արդյունքում եւ որոնք բորբոքումների եւ այտուցների են հանգեցնում: Երկարաժամկետ հեռանկարում դա մեծացնում է բջիջների անվերահսկելի կիսման գործընթացի արդյունքում քաղցկեղի զարգացման վտանգը: 

5. Խոլեստերին

Չնայած մարգարինը մոնոչհագեցած եւ կիսահագեցած ճարպային թթուներ է պարունակում, դրանց պարունակությունը զգալիորեն ավելի փոքր է, քան հագեցած ճարպերինը եւ տրանսճարպերինը: Եթե ամեն օր մարգարին օգտագործեք, դա կարող է հանգեցնել խոլեստերինի մակարդակի բարձրացման:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել