• Latest news

Ինչպե՞ս ճիշտ պահել ձմերուկը

19 հուլիսի, 2016  15:35

Ձմերուկը ամռան տապին ամենատարածված մթերքն է, որը շատ ջուր է պարունակում եւ քիչ կալորիա: Սակայն ձմերուկից նաեւ հեշտությամբ թունավորվում են, եթե այն ճիշտ չի պահվում, քանի որ խոնավ եւ քաղցր միջավայրում վտանգավոր մանրէներն արագ են բազմանում:

Ինչպե՞ս պետք է ձմերուկը պահել, որպեսզի  այն ուտելն անվտանգ լինի: NEWS.am Medicine-ի թղթակցի այս հարցին պատասխանում է Հիվանդությունների վերահսկման եւ կանխարգելման կենտրոնի տնօրենի տեղակալ Նունե Բակունցը:

Մասնագետի խոսքով՝ ամբողջական ձմերուկը կարելի է պահել ամենուր՝ ինչպես սառնարանում, այնպես էլ սենյակային ջերմաստիճանի պայմաններում: Այդպիսի ձմերուկի պահպանման ժամկետը բավական երկար է, նույնիսկ մինչեւ մի քանի շաբաթ: Եթե ձմերուկի ամբողջականությունը խախտված չէ, նույնիսկ արեւի տակ սարսափելի ոչինչ տեղի չի ունենա: Դա, ի դեպ, նշանակում է, որ փողոցում ձմերուկ գնելը, որոնք դրված են եղել արեւի տակ, սկզբունքորեն անվտանգ է, եթե, իհարկե, այն վնասված չէ:

Եթե ձմերուկը կտրվել է, ապա պահման ժամկետը կտրուկ նվազում է, քանի որ ձմերուկի մեջ կարող են թափանցել բացիլներ, որոնք կսկսեն բազմանալ եւ վարակել այն ուտող մարդուն: Կտրատած ձմերուկը պետք է պահել միայն սառնարանում, ցանկալի է 1-2 օրից ոչ ավել:

Մասնագետի խոսքով՝ ծայրահեղ ցանկալի է, որ կտրատված ձմերուկը պահվի մաքուր, փակ ամանի մեջ եւ չդիպչի այլ մթերքների՝ ոչ թարմ, ոչ եփած: Այսպես նվազագույնի կհասցվի ձմերուկի մեջ սառնարանից կամ այլ մթերքներից մանրէների ներթափանցման հավանականությունը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է