• Latest news

Ինչպե՞ս ազատվել բերանում կծու ուտելիքի համից

22 հուլիսի, 2016  21:07

Երբ մարդն ինչ-որ կծու բան է ուտում, օրինակ չիլի պղպեղ, նրա բերանը սկսում է այրվել, այտերը կարմրում են, ճակատին քրտինք է հայտնվում։ Հաճախ կծու ուտեստի համը երկար է մնում բերանում: Ինչպե՞ս ազատվել այդ համից։ Նյու-Մեքսիկոյի համալսարանի Չիլի պղպեղի ինստիտուտի գիտնականները պնդում են, որ բավական է ըմպել մի փոքր կաթ և բերանի կծվայնությունը և դրա հետ կապված այրոցը կանցնեն։

Երբ մարդու բերանում հայտնվում է կծու պղպեղ, կապսաիցինը` այն նյութը որը պղպեղը կծու է դարձնում, ազդում է համային ընկալիչների վրա, միանում է նրանց: Ուղեղը ազդանշան է ստանում այն մասին, որ բերանում հայտնվել է չափազանց կծու, այսպես կոչված «տաք» կերակուր, որը հանգեցնում է այրոցի։ Հետազոտողները պարզել են, որ կաթի մեջ առկա սպիտակուցներն ու նյութերը, հայտնվելով բերանում, չեզոքացնում են համային ընկալիչների վրա կապսաիցինի ազդեցությունը: Դրա շնորհիվ կաթը ակնթարթային թեթևություն է տալիս: Եթե կաթը տհաճ է ձեզ կարող եք այլ կաթնային մթերքներ փորձեք` օրինակ սերուցք կամ պաղպաղակ:

Գիտնականները նաև պարզել են, որ ածխաջրերը նույնպես կարող են մարել բերանի «կրակը», քանի որ նրանք արագ են միաձուլվում համային ընկալիչներին և այնտեղից հանում են կապսաիցինը:

Իսկ ահա ջրի օգտագործումը այս գործում այնքան էլ արդյունավետ չէ, թեպետ հարկ է նշել, որ հենց ջրի և գազավորված ըմպելիքների միջոցով են մարդիկ փորձում ազատվում կծու կերակուրի տհաճ համից: Նրանք ստիպված են լինում երկար ժամանակ ջուր խմել և ողողել բերանը, բայց այնուամենայնիվ համային նստվածքը չի անցնում, քանի որ կապսաիցինը շարունակում է ամուր կպած մնալ համային ընկալիչներին։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է