Նիհարելու պրոցեսն արագացնող 5 միջոց

Նիհարելն այնքան էլ դյուրին չէ, ինչպես ոմանք կցանկանային, բայց մի քանի խորհուրդներ կօգնեն նիհարելու պրոցեսն արագացնել:

1. Ընթրիքի եւ նախաճաշի միջեւ պետք 12 ժամվա միջակայք լինի

Շատ մասնագետներ խորհուրդ են տալիս ընթրել երեկոյան ժամը 8-ից ոչ ուշ, իսկ նախաճաշել առավոտյան ժամը 8-ից ոչ շուտ: Այդպիսով ընթրիքից նախաճաշ պետք է անցնի 12 ժամից ոչ պակաս:

2. Թագավորական նախաճաշ եւ աղքատի ընթրիք

2013 թվականին իսրայելցի գիտնականների անցկացրած հետազոտությունը ցույց է տվել, որ այն մարդիկ, ովքեր նախաճաշին կուշտ են սնվում, ճաշին՝ նորմալ, իսկ ընթրիքին՝ թեթեւ, ավելի արագ են նիհարում, քան նրանք, ովքեր կուշտ ընթրում են եւ համարյա չեն նախաճաշում:

3. Մոռացեք ուշ ժամի ընթրիքների մասին

Երեկոյան կերածը 17 տոկոսով ավելի է բարձրացնում արյան մեջ գլյուկոզայի մակարդակը, քան նույն կերակուրը, որ ընդունել եք նախաճաշին: Այդ պատճառով մասնագետները խորհուրդ չեն տալիս ուշ ժամի ուտել. օրգանիզմը դժվարությամբ է այրում ստացած կալորիաները:

4. Միայն ջուր

Ընթրիքից հետո եւ մինչ նախաճաշը 12-ժամյա պատուհանի ընթացքում կարելի է խմել միայն ջուր: Մյուս բոլոր մթերքները, նույնիսկ հյութն արգելված է:

5. Ներքին ժամացույց

Իրականում երեկոյան մինչեւ ժամը 8-ը ընթրելն այնքան էլ սկզբունքային չէ: Եթե դուք արտույտ եք, կարող եք նախաճաշել առավոտյան ժամը 6-ին եւ ընթրել երեկոյան ժամը 6-ին: Եթե բու եք, ապա կարող եք ընթրել երեկոյան ժամը 9-ին եւ նախաճաշել առավոտյան ժամը 9-ին:

Հետևեք NEWS.am Medicine-ին Facebook-ում և Twitter-ում