• Latest news

Վարակները կարող են ինքնասպանություն հրահրել. հետազոտություն

15 օգոստոսի, 2016  19:55

Ինքնասպանությունը կարող է օրգանիզմի վարակման հետեւանք լինել: Հոգեբանների այդ հիպոթեզը հաստատել է 1980-ից մինչեւ 2011 թվականը հիվանդների մեծ խմբի հետազոտությունը, որն անցկացրել են Կոպենհագենի համալսարանական կլինիկայի աշխատակիցները: 

Դանիացիների աշխատանքը ցույց է տվել, որ բորբոքային գործընթացներն իրոք ազդում են դեպրեսիվ վիճակի եւ մահվան մասին մտքերի առաջացման վրա ինչպես կենդանիների մոտ, այնպես էլ` մարդկանց: Պարզվել է նաեւ, որ հիվանդությունը կարող է առավել կամ պակաս չափով ազդել տրամադրության վրա, կախված բորբոքման տեսակից եւ տեղայնացումից: 

«Վիրուսները գլխուղեղում որոշակի գործընթացներ են գործարկում, որոնք բացասական մտքեր եւ ցանկություններ են առաջացնում: Եվ որքան ավելի երկար է տեւում վարակների բուժման կուրսը, այնքան բարձր է ինքնասպանության վտանգը», - ասում են հետազոտության հեղինակները:

Հիվանդի վիճակում ֆիզիոլոգիական եւ պահվածքային այնպիսի փոփոխություններ, ինչպիսիք քաշի կորուստն է եւ հոգեկան խանգարումները, գնալով ավելի հաճախակի են տեղի ունենում ՄԻԱՎ-ի, հեպատիտի, թոքերի, մարսողական համակարգի, մաշկի եւ արյան վարակման ֆոնին:  Հետաքրքիր է, որ հղի կանայք տվյալ բացահայտման մեջ միակ բացառությունն են. նրանց օրգանիզմում վարակը ինքնասպանական հակումներ չի առաջացնում:  

Այն ժամանակահատվածում, որն ընդգրկել է հետազոտությունը, ինքնասպանության հետեւանքով  32 700 մարդ է մահացել: Գիտնականները պարզել են, որ այն մարդիկ, որոնք բուժական հաստատություններ են ընդունվել վարակների բուժման համար,  42 տոկոսով ավելի հաճախակի են մահացել ինքնասպանության հետեւանքով, քան այլ ախտորոշումներով հիվանդանոց տեղափոխված հիվանդները: Այսինքն դանիացի փորձագետների եզրահանգումները կարող են մատնանշել ինքնասպանական պահվածքի կենսաբանական հիմքը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է