Ավելորդ քաշով մարդկանց մասնագետները խորհուրդ են տալիս ավելի շատ ցիտրուս ուտել: Իհարկե նրանց հազիվ թե հաջողվի միայն ցիտրուսների միջոցով նիհարել, սակայն այդ մրգերը, São Paulo State University-ի (Բրազիլիա) գիտնականների պնդմամբ, նվազեցնում են ճարպակալման բացասական հետեւանքներն առողջության համար, ինչպես նաեւ նվազեցնում են սրտի, լյարդի եւ դիաբետի հիվանդությունների զարգացման ռիսկը:
Գիտնականների խոսքով, ցիտրուսներում թթվային բջջային սթրեսի ինտենսիվությունը նվազեցնող բաղադրիչներ են պարունակվում, այդ սթրեսն անմիջականորեն կապված է մարմնում ճարպի ավելցուկի հետ. ճարպային բջիջները բջիջները վնասող թթվածնի շատ ռեակտիվ ձեւեր են մշակում: Թթվային գործընթացը բորբոքման հետ միասին մեծացնում է սրտի, լյարդի եւ արյան մեջ գլյուկոզայի մակարդակի հետ կապված խնդիրների առաջացման ռիսկը:
Գիտնականները ցիտրուսայիններից միացությունները (հեսպերիդին, էրիոցիտրին, էրիոդիկտիոլ) փորձարկել են 50 կրծողից կազմված խմբի վրա, որոնց կերակրել են ճարպոտ սննդով: Պարզվել է, որ ցիտրուսային նյութերն օրգանիզմն ավելի կայուն են դարձնում «ճարպային սննդակարգի» վնասակար ազդեցության հանդեպ:
Մասնավորապես, գիտնականները նկատել են, որ սննդում ցիտրուսայինների առկայության դեպքում կենդանիների օրգանիզմում նվազել է տիոբարբիտուրային թթվի ռեակտիվ նյութերի` TBARS-ի խտությունը, որը սննդային վնասման նշիչ է համարվում: Ֆլավանոնները լյարդում 50-64 տոկոսով նվազեցրել են TBARS-ի մակարդակը: Էրիտրոցինը եւ էրիոդիկտիոլը արյան մեջ TBARS-ի խտությունը կրճատել են համապատասխանաբար 48 եւ 47 տոկոսով: Բացի այդ, հեսպերիդինի եւ էրիոդիկտիոլի օգտագործման դեպքում, մկների մոտ ավելի քիչ ճարպ է կուտակվել եւ ավելի քիչ է վնասվել լյարդը:
Գիտնականները կարծում են, որ ցիտրուսայինների միացությունները շատ օգտակար կլինեն նաեւ նորմալ քաշով մարդկանց համար, որոնք հաճախ են ճարպոտ մթերքներ օգտագործում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր